Se tes que facer un esquema gráfico da idea de límite nun punto e límite no infinito, eres capaz de facelo? (Pista: como o que vimos no vídeo)

Tes claro a diferencia entre calcular o límite pola esquerda e o límite pola dereita?

Existe o límite nun punto en calquera caso? Que se ten que cumprir para que exista?

Cando temos unha indeterminación no cálculo de límites o resultado é sempre infinito?

É \(\infty + \infty\) unha indeterminación? E \(\infty - \infty\)?

Que dúas posibilidades e como se resolve cada unha delas tes coa indeterminación \(\frac{0}{0}\)?

Nas indeterminacións de \(\frac{\infty}{\infty}\), por que so nos quedamos cos termos de maior grado?

Que dúas posibilidades e como se resolve cada unha delas tes coa indeterminación \(\infty - \infty\)?

A que tipo de indeterminación ou indeterminacións queres converter unha indeterminación do tipo \(0 \cdot \infty\) para resolvela?

Nas indeterminacións \(1^{\infty}\) recurrimos ao límite dun número concreto. De que número se trata e como é a súa expresión con límites?

 

Que tres condicións se teñen que cumprir para que unha función sexa continua?

Saberías dar un exemplo dunha discontinuidade evitable?

Cal é a diferencia entre a discontinuidade de salto finito e a de salto infinito?

Nas funcións a trozos, como analizarías a continuidade da función?

Pode unha función a trozos ser discontinua nun punto que non sexa os de cambio de intervalo? Pon un exemplo.

Que di o Teorema de Bolzano?

Xeométricamente, que é a derivada nun punto?

Se tes unha función, serías quen de calcular a pendente da recta tanxente nun punto usando a definición de derivada?

Coñeces todas as derivadas elementais? Sabes combinalas coas operacións con funcións para así poder calcular a derivada de calquera función?

Cal é a derivada dun producto? E dun cociente?

Na composición de funcións, temos as nosas funcións elementais e onde teríamos unha \(x\) temos unha nova función. Esto ao ir derivando supón que imos facendo as derivadas de cada unha das funcións que nos imos atopando, pero ollo, en lugar de poñer \(x\) na derivada, poñemos a función que ocupa su lugar. Entón dado \(f(x) = \sqrt{x}\) e \(g(x) = \cos{x}\). Serías capaz de derivar \(h(x) = f(g(x))\)? E \(i(x) = g(f(x))\)?

Para que tipo de indeterminacións podemos aplicar a regra de L'Hôpital?

Que outras indeterminacións se poden transformar para poder aplicar L'Hôpital?

Cando aplicamos a regra de L'Hôpital temos que facer a derivada dun cociente ou vai por separado?

Que propiedade dos logaritmos aplicamos para resolver a indeterminación \(1^{\infty}\)?