Lembra que debes aplicar as pautas descritas nesta guía en calquera outro elemento que inclúas.
Índice
- Sitúao ao comezo.
- Asocia cada apartado cun número de páxina.
Glosario
- Usa o glosario para definir e explicar palabras que sexan difíciles de entender antes de que comece a lectura do texto. Por tanto, sitúao ao comezo.
- Ordena as palabras por orde alfabética e resáltaas (maior tamaño ou letra grosa).
- Inclúe unha definición e un exemplo para cada palabra do glosario. Tamén unha imaxe se é posible.
- Sitúa cada un destes elementos nunha liña diferente.
Glosa
- Usa a glosa para explicar unha información ou expresión que sexa difícil de comprender, a primeira vez que apareza no texto.
- Resalta as expresións que vas explicar en letra grosa.
- Sitúaa o máis próxima ao texto ou expresión que explica. Podes facelo no propio texto ou na marxe dereita, pero sempre na mesma páxina.
- Inclúe unha explicación e un exemplo para cada glosa.
Resumos
- Úsaos para resaltar a información máis importante.
- Sitúaos ao final do apartado ou documento e cunha etiqueta ou título que deixe claro que se trata dun resumo, para non confundilo co resto do texto.
- Repite información doutros apartados cando esta sexa necesaria para comprender o texto.
Actividades e preguntas para a comprensión
- Úsaas antes de comezar o texto para situar á persoa que le no tema.
- Tamén durante e ao final do documento para comprobar que se comprendeu.
Mapas, planos, gráficas e outros elementos icónicos
- Se os usas, debes adaptalos e incluír unha lenda e unha explicación seguindo o resto de pautas definidas.
Con esta guía podes aprender como facer infografías:
- Como facer infografías fáciles de entender en Lectura Fácil, publicada pola Plena Inclusión España.
E sen necesitas máis exemplos, con estoutra guía accedes á versión en Lectura Fácil das pautas que che explicamos.
- Guía para validar textos en Lectura Fácil en Lectura Fácil, publicada pola Plena Inclusión Estremadura.