Todos os apartados do REA teñen un título que describe o propósito do apartado e son accesibles.
- Cando editas con eXeLearning os títulos de cada apartado do menú (os diferentes escenarios) prográmanse co atributo <title>, isto faino compatible con sistemas de apoio (por exemplo lectores de pantalla).
- Se usas o estilo cREAgal, o título do REA aparece como encabezamento da páxina e os títulos de cada nodo presentan unha liña na parte inferior. Isto achega ademais unha aparencia gráfica común ao teu recurso.
- Lembra que cada un destes títulos debe ser único, propio e diferente ao resto. Ademais debe ser descritivo do propósito de cada parte do REA, atraente e adaptado á linguaxe das futuras persoas usuarias.
