1.3.12. Navegabilidade

Se inclúes ligazóns no teu REA comproba que funcionan, que non están rotas e que teñen unha descrición única.

As ligazóns deben describir o destino ao que nos levan e ser diferentes ao resto.
Se varias ligazóns levan ao mesmo destino, a descrición debe ser a mesma.
Ademais debe ter un formato que permita diferencialo do resto de elementos.

Captura de pantalla da xanela de edición de hiperligazóns — Elaboración propia (proxecto cREAgal). *Exemplo de edición de hiperligazóns* (CC BY-NC-SA)

Captura de pantalla onde se ve o formato das ligazóns — Elaboración propia (proxecto cREAgal). *Exemplo de formato de ligazóns* (CC BY-NC-SA)

Lembra situar sempre os elementos para navegar na mesma posición.

Xa sabes que co estilo cREAgal sempre atoparás os botóns de navegación e menú na mesma posición e despregados por defecto, aínda que a persoa usuaria pode ocultalos se o desexa.

Captura de pantalla de REA con menú oculto — Elaboración propia (proxecto cREAgal). *Exemplo de menú oculto* (CC BY-NC-SA)

Proporciona información sobre en que apartado do REA se atopa a persoa usuaria e o seu progreso, de maneira que poida elixir a que apartado acceder.

Como xa comentamos, o menú do REA creado con eXeLearning e estilo cREAgal permite elixir o apartado ao que se quere acceder (e mesmo incluír numeración a cada título), ademais de poder usar os botóns de avance e retroceso.
Para marcar o progreso tamén podes incluír a paxinación do REA. En eXeLearning podes facelo activando o "Modo avanzado">"Propiedades">"Exportar"

Captura de pantalla da xanela de eXeLearning para incluír paxinación — Elaboración propia (proxecto cREAgal). *Exemplo de xanela para configurar a paxinación* (CC BY-NC-SA)

Captura de pantalla dun REA na que pode verse un exemplo de paxinación — Elaboración propia (proxecto cREAgal). *Exemplo de paginación* (CC BY-NC-SA)

Comproba que o teu REA volve á configuración inicial cando se cambia de apartado ou recarga a páxina e podes pechalo e saír del en calquera punto.

En eXeLearning as actividades interactivas, os despregables e o resto de elementos que cambian segundo a interacción coa persoa usuaria volven á súa aparencia e configuración inicial cando se recarga a páxina ou se cambia de apartado.

Captura de pantalla dun REA na que pode verse como os elementos interactivos volven á súa configuración inicial — Elaboración propia (proxecto cREAgal). *Exemplo de volta á configuración inicial* (CC BY-NC-SA)

Licenciado baixo a Licenza Creative Commons Atribución Non-comercial Compartir igual 4.0