Texto e tarefa

Para presentar contidos ou temas (incluídos imaxes, vídeos, contidos multimedia...) teremos os seguintes iDevices:

• Texto: similar a como traballamos cun editor de texto normal. Unha vez publicado, preséntase ao estudante como a lectura dun texto. 
• Contido DUA: permite introducir un contido seguindo os principios do Deseño Universal de Aprendizaxe (DUA). Para coñecer todos os detalles de este iDevice podes consultar a información exposta no PDF Como usar o iDevice contido DUA. O titorial eXeLearning tamén nos ofrece un resumo e exemplos de uso do iDevice DUA.

• Tarefa: axeitado para expor unha actividade ou tarefa. É similar ao iDevice Texto, pero ademais permite indicar o tempo estimado da tarefa e o agrupamento do alumnado.

Actividades interactivas

Para presentar propostas de actividades interactivas de diversos tipos teremos os seguintes iDevices:

• Actividade de encher ocos: propón ao alumnado un texto con espazos en branco que deberán ser completados. Inclúe a posibilidade de retroalimentación.
• Actividade despregable: propón ao alumnado un texto cunha lista de posibles cadeas de palabras que deberán ser seleccionadas.
• Actividade Geogebra:  permítenos incluír unha tarefa desenvolvida co software matemático Geogebra.
• Lista desordenada: permite a creación dunha lista desordenada para ser ordenada polo alumnado segundo a instrución dada polo docente.
• Pregunta de escolla única: propón unha (ou varias) preguntas tipo test ao alumnado. Cada unha das preguntas só poderá ter unha resposta correcta.
• Pregunta de selección múltiple: propón unha (ou varias) preguntas tipo test ao alumnado. Cada unha das preguntas poderá ter máis dunha resposta correcta.
• Pregunta verdadeiro-falso: propón unha (ou varias) preguntas que deberán ser respondidas con "Verdadeiro" ou "Falso".
• Test SCORM: propón unha (ou varias) preguntas tipo test ao alumnado. É similar en canto a funcionamento ao iDevice "Pregunta de escolla múltiple" pero permite a comunicación cun LMS (Moodle), obtendo datos do rastrexo da actividade que indican se se aprobou ou non a proba.
• Vídeo interactivo: permite incluír diversas actividades mentres visualizamos un vídeo, facilitándonos a posibilidade de editar en que momento do vídeo queremos que este se pause para a realización da actividade. 

Xogos

Conxunto de iDevices enfocados á creación de actividades de xogo interactivas. Estes iDevices ofrecen a posibilidade de presentación das actividades despois de escribir códigos de acceso, a partir dunha puntuación poden xerar novos códigos...

• Adiviña: completar un termo dada a súa definición.
• Cadeado: permite crear actividades na que a retroalimentación está protexida por contrasinal.
• Cartas de memoria: Permite crear actividades con cartas de memoria que inclúan imaxes, sons e/ou texto enriquecido.
• Clasifica: permite crear xogos onde os xogadores deberán clasificar tarxetas con imaxes, textos e/ou sons en diferentes categorías previamente creadas.
• Completa: permite crear actividades nas que o alumnado deberá completar os ocos dun texto escribindo, seleccionando ou arrastrando as respostas.
• Desafío: permite crear xogos tipo escape room. Neles, os xogadores ou xogadoras deberán resolver diferentes retos antes de resolver o desafío final.
• Descobre: permite crear xogos nos que os xogadores deberán descubrir parellas, tríos ou cuartetos de tarxetas con imaxes, textos e/ou sons.
• Identifica: permite crear actividades nas que, con axuda dun número variable de pistas, o xogador deberá descubrir un personaxe, un obxecto ou a solución dun problema.
• Mapa: permite xerar mapas de imaxes con zonas interactivas.
• Operacións matemáticas: permite crear actividades con operacións matemáticas básicas (suma, resta, multiplicación e/ou división) aleatorias nas que o alumnado terá que descubrir o resultado, o operador ou un dos operandos.
• Ordena: permite crear xogos onde os xogadores deberán ordenar frases ou tarxetas con imaxes, textos e/ou sons.
• Problemas de matemáticas: permite crear problemas matemáticos básicos aleatorios.
• QuExt: xogo de preguntas rápidas con varias respostas.
• Relaciona: permite crear xogos para relacionar conceptos uníndoos con frechas. Poden usarse imaxes, sons e textos enriquecidos.
• Roscón: xogo de palabras (da Á a Z).
• Selecciona: permite crear xogos baseados en cuestións tipo tests de resposta múltiple con ningunha, unha ou varias opcións correctas e en cuestións de tipo ordena, nas que o xogador ou xogadora deberá organizar as diferentes opcións segundo a orde indicada na pregunta.
• Selecciona ficheiros multimedia: permite crear actividades interactivas nas que os xogadores deberán seleccionar as tarxetas multimedia correctas.
• Sopa de letras: permite crear actividades tipo sopa de letras nas que se poden empregar texto, imaxes e sons.
• TriviExt: versión do clásico xogo Trivial.
• VídeoQuExt: xogo de preguntas rápidas con varias respostas sobre un vídeo.

Outros contidos

Para presentar recursos externos que se incorporarán a eXeLearning como contidos (textuais ou webs) teremos os seguintes iDevices:

• Descargar ficheiro fonte: permite engadir ao recurso exportado un botón de descarga do ficheiro fonte (.elp).
• Ficheiros anexos: permite achegar a modo de listaxe non ordenada os ficheiros cos seus correspondentes enlaces. Importante: os nomes de ficheiro non deben conter caracteres estraños, letra ñ ou acentos!
• Galería de imaxes: mostra un álbum de imaxes, inicialmente en formato miniatura.
• Informe de progreso: permite mostrar os resultados obtidos polo alumnado nas actividades asociadas a este informe e á súa nota media.
• Nota: permite incluír comentarios e anotacións do autor ou autora de maneira interna. Só será visible no ficheiro editable en eXeLearning e non se visualizará en ningún ficheiro exportado.
• Lista de cotexo: permite introducir unha lista de cotexo para ofrecer un listado estruturado e fácil de entender das actividades propostas ao longo do recurso educativo.
• Nota: permite incluír comentarios e anotacións do autor de maneira interna. Só será visible no arquivo editable en eXeLearning e non se visualizará en ningún arquivo exportado.
• Rúbrica: permite crear rúbricas desde cero ou a partir dun modelo, así como aplicalas unha vez exportado o contido.