Ofrece retroalimentación variada en función das respostas das persoas usuarias.
- Promove a participación e a aprendizaxe autónoma a través do feedback: inclúe guías, secuencia de elementos, organizadores (tempo a investir en cada apartado).
Algunhas ideas claves sobre o feedback baseadas na obra ¿Como aprendemos? Una aproximación científica al aprendizaje y la enseñanza (2020) de Héctor Ruiz Martín
- Usa o feedback para proporcionar información sobre resultados, para axudar a atopar o ritmo individual e para ofrecer reforzo.
- Inclúeo en calquera exercicio/tarefa/actividade ou contido, pero sobre todo é moi necesario despois da avaliación inicial e na primeira parte de presentación do REA.
- Úsao para dar información ás persoas usuarias sobre onde se dirixen (cal é a meta), cal é o seu nivel de desempeño actual e que deben facer para acadar os obxectivos. Por tanto, todos os exercicios/actividade/tarefas deben declarar explicitamente o obxectivo a conseguir.
- Sempre que proporciones unha retroalimentación en exercicio/actividade/tarefa, non deas a resposta de maneira explícita, senón a través de pistas. Se isto non funciona, volve a reensinar o concepto/habilidade/proceso de maneira distinta.
- Inclúe feedback que promova unha mentalidade de crecemento. Por exemplo:
Se o resultado da tarefa é positivo: "Parabéns, fixeches un gran traballo", "Es unha persoa moi traballadora e os teus resultados reflícteno", "Parabéns, aprendiches o que te propuxeches".
Se o resultado da tarefa é negativo: "Estás a aprender. É imposible facelo ben á primeira. Segue traballando e verás como melloras", "Parece que teremos que buscar outra forma de facer as cousas. Proba con...", "Esta vez saíu ben. Pensa onde fallaches e que poderiamos facer para melloralo".
- Ao comezo do REA, mellor usar retroalimentacións positivas e a medida que se vai dominando o tema, resaltar os puntos débiles.
- Usa o feedback para avaliar constantemente, non só ao final do REA. E faino de maneira repetida sobre as mesmas aprendizaxes.
- Usa probas que se realicen e corrixan dúas veces (por exemplo o mesmo cuestionario ao principio e ao final) e configura a retroalimentación para que na primeira volta deas máis importancia aos comentarios que á cualificación/nota.
- Deseña probas que poidan ser realizadas tantas veces como sexa necesario até superalas e que poidan realizarse en ciclos curtos e de maneira moi frecuente.
- Non te esquezas de engadir probas que avalíen a capacidade de aplicar o que se aprendeu a diferentes contextos.
- Ademais, ao final da proba inclúe un comentario que permita tomar decisións, é dicir, que facer a continuación cos resultados obtidos e orientacións sobre a que apartado do REA debe dirixirse.
- Se usas o REA na aula, usa as probas de avaliación en días posteriores a explicación, non na mesma sesión. A evocación diferida é máis eficaz para mellorar o coñecemento con comprensión que a repetición inmediata ou automática do aprendido.
