1.3.14. Accesibilidade

Comproba que o teu REA é accesible.

Podes comprobar se o teu recurso non contén erros de accesibilidade usando un servizo para validar o marcado do teu recurso.

Inclúe textos con formato accesible.

Se ademais visualizas a túa REA nun navegador, o tamaño da letra poderá ser ampliado.

Características da fonte no estilo cREAgal

Tipografía seguindo as recomendacións de Lectura Fácil:
Tamaño da fonte 13px/1.1em.
A fonte elixida é Atkinson Hyperlegible, creada polo Instituto Braille que posúe unha maior lexibilidade para persoas con baixa visión.
O espazo entre liñas é 1.4em, 22.4px.
O contraste fondo-fonte ha validado o nivel AA da WCAG.
A aliñación por defecto é a esquerda.
Caracteres de idiomas como grego, árabe, chinés e ruso visualízanse correctamente.

Non uses a cor ou o formato (grosa, maiúscula, subliñado) como única forma de transmitir información ou distinguir os elementos. Utiliza outras alternativas como as etiquetas.

Usa as listas (ordenadas e desordenadas) para organizar unha secuencia de elementos. Non as uses para maquetar texto.

Se usas táboas procura que sexan sinxelas (mellor varias táboas sinxelas que unha moi complexa), que estean ben etiquetadas, que sirvan para organizar datos (non para maquetar o contido) e que inclúa título ou lenda e encabezamento.

Inclúe contido audiovisual accesible.

Asegúrate de que o contido audiovisual ten suficiente contraste co fondo e pode verse sen esforzo.
Inclúe nas imaxes un título e unha descrición alternativa. Se son imaxes decorativas non é necesario.
No caso de usar vídeos, debes incluír subtitulado, audiodescrición e unha transcrición completa.
Os reprodutores de vídeo e audio deben incluír opcións para que a persoa usuaria poida reproducilo, pausalo, controlar o volume e activar/desactivar o subtitulado.
Ofrece alternativas á información visual, auditiva e textual.

Elabora documentos dixitais accesibles.

Pautas básicas de accesibilidade en documentos dixitais