Procomún é unha rede de recursos educativos abertos do Ministerio de Educación, Formación Profesional e Deportes na que o profesorado pode buscar, utilizar, compartir e publicar materiais educativos. Permite acceder a recursos con licenzas abertas, organizados por etapas, áreas e competencias, e facilita que outros docentes poidan reutilizalos, adaptalos e melloralos.

Actualmente pódense publicar materiais creados con eXeLearning e exportados en formato SCORM, cunha diferenza entre versións:

• Materiais creados con eXeLearning 2.9 e anteriores: poden publicarse como SCORM e editarse con eXeLearning online.
• Materiais creados con eXeLearning 3.0 e posteriores: poden publicarse como SCORM pero aínda non poden editarse. Proximamente estará dispoñible esta funcionalidade.

Os pasos a realizar serían: 

• Exportar o noso recurso a SCORM
• Unha vez iniciada sesión en Procomún, subir o arquivo SCORM novo Recurso de aprendizaxe
• Encher os campos do formulario que se mostra
• Publicar

No caso de que o recurso se poida editar con eXe online, unha vez publicado aparecerá un botón de edición como o que se mostra a continuación.