Empezando

Algunhas propostas para comezar o traballo co alumnado

• Encender, apagar e suspender o equipo.
• Como se vai xestionar o carro de carga no caso de que o alumnado deixe os equipos na aula.
• Uso dos cargadores e adaptadores do carro de carga no caso de precisalos.
• Crear cartafois para cada unha das materias e organizar o arquivo da información.
• Crear algún documento sinxelo de texto ou presentación que permita traballar aspectos de creación, edición, arquivo e posterior recuperación da información.
• Acceder ao EVA ou espazo onde o alumnado visualice contidos e recursos cos que traballará ao longo do curso.

Explicar ao alumnado como se conecta o equipo a internet

• No caso de estar na aula a conexión será automática á wifi Abalar. Para ver máis información premer aquí.
• No caso de que o equipo non se conecte comprobar se o equipo ten a wifi activada. Dependendo dos equipos a tecla que activa ou desactiva a wifi é diferente.
• Simular como sería a conexión no fogar. No caso de estar na aula, ademais da wifi Abalar os equipos deberían detectar a wifi edu.xunta.gal.
  • Indicar os pasos a seguir: no caso dunha rede wifi haberá que coñecer o identificador desa rede e os datos de acceso. No caso dunha rede cableada deberían saber na casa se a conexión é automática hai que especificar algún enderezo IP.

Epoptes - software de control de aula

• O software Epoptes é unha solución para a xestión remota de aulas. Algunhas funcionalidades son:

  • Visualización, no equipo do docente, de todos os escritorios dos equipos dos alumnos.

  • Bloqueo de equipos.

  • Visualización da actividade dun alumno concreto, así como tomar o control do mesmo.

• A condición imprescindible é que tanto o equipo do profesorado e do alumnado teñan a mesma versión da maqueta e se conecten á mesma rede wifi Abalar (que é a conexión por defecto nas aulas).
• Para máis información premer aquí.

A aplicación Samba

• O protocolo Samba facilita o intercambio de ficheiros entre equipos e sistemas. Os nosos alumnos poderán compartir dende os seus ultraportátiles todo tipo de ficheiros, documentos e traballos ao equipo do profesor e viceversa.
• Para máis información premer aquí.

Algúns aspectos configurables

• É importante a principio de curso adicarlle uns minutos a como adaptar a configuración do equipo a cada necesidade. Para a maioría das funcións que se comentan aquí, os portátiles de alumnado dispoñen de teclas específicas. Será necesario identificar esas teclas e a súa función:
  • Control do volume.
  • Control do brillo da pantalla.
  • Uso de elementos externos coma por exemplo auriculares se é o caso.

Aplicacións e funcionalidades

•  A maqueta instalada no equipos portátiles tanto do alumnado coma do profesorado conta cunha serie de recursos e aplicación que van permitir sacarlle partido a ese equipamento. Desde crear documentos (suite Libreoffice), crear/editar arquivos de audio (Audacity), crear/editar imaxes (GIMP ou TuxPaint), manexar arquivos vectoriais, de deseño, programación, etc.
• Para acceder ás aplicacións instaladas premer abaixo á esquerda no botón Aplicativos.
• Unha vez feito despregarase a organización das aplicacións.
• Para ver algunha das posibilidades premer aquí.