Comunicación

Comunicación web

• O portal espazoAbalar (https://espazoabalar.edu.xunta.gal) é o referente dos servizos educativos en Galicia para toda a comunidade. Trátase dunha moderna plataforma de última xeración desenvolvida pola Axencia para a Modernización Tecnolóxica de Galicia (AMTEGA) coa finalidade de:

  • Achegar a educación aos cidadáns, incrementando a eficacia dos servizos que se lle proporcionan.

  • Desenvolver as TIC no ámbito educativo, fomentando a participación e motivación do alumnado, das familias e de todos os colectivos que forman parte da comunidade escolar.

  • Proporcionar funcionalidades específicas para os distintos colectivos que integran a comunidade educativa.

• Para acceder aos servizos autenticados entrar coa conta corporativa.

App para o profesorado

• A Xunta de Galicia, coa finalidade de aumentar o acercamento entre o profesorado e as familias, ademais do portal espazoAbalar, ofrece abalarPro. Trátase dunha aplicación para o persoal docente que permite consultar e enviar mensaxes ás familias do alumnado a través do teléfono móbil de forma cómoda e rápida, xestionar as solicitudes de titorías e xestionar as faltas do alumnado.
• Máis información en: https://espazoabalar.edu.xunta.gal/abalarpro 

App para as familias

• A Xunta de Galicia, coa finalidade de aumentar o acercamento entre o profesorado e as familias, ofrece abalarMóbil. Trátase dunha aplicación que permite ás familias consultar a información dos seus fillos a través do teléfono móbil dende calquera lugar, de forma cómoda e rápida.
• Máis información en: https://espazoabalar.edu.xunta.gal/abalarmobil 

Seguimento da actividade do EVA no móbil

• Descargando a app moodle mobile desde a tenda de aplicación do dispositivo móbil, e configurando o acceso ao EVA (https://eva.edu.xunta.gal/login/index.php) e empregando as credencias oportunas (ben do profesorado ou do alumnado) pódese dispoñer dun acceso rápido á mensaxería, entrega de tarefas ou comentarios das mesmas.

Uso educativo da mensaxería

• Nalgunhas ocasións, o uso da mensaxería entre o alumnado non é todo o axeitada que sería desexable. Ademais da posibilidade de limitar esta comunicación pode haber unha solución intermedia:
  • Crear un grupo dentro do EVA no que o alumnado e o profesorado implicado forman parte do mesmo grupo.
  • Dentro da mensaxería, unha vez habilitado o grupo, haberá a posibilidade de empregar este servizo nese grupo.
    
    • A diferenza fundamental, é que no grupo tamén estará o profesorado, co que as comunicacións serán públicas para todo o grupo. Esta posibilidade pode facilitar o uso dun xeito educativo da mensaxería.