Tipos de contido

Drupal incorpora por defecto catro tipos de contido distintos. Pódense ver en Contido > Agregar contido ou en  Administrar > Estrutura > Tipos de contido.(neste caso amósanse máis tipos pero están desactivados)

Artigo

• Utilizarase para contidos que se quere aparezan ordenados por data e hora de publicación, habitualmente os que van publicados nunha taxonomía na que se van publicando novos contidos con frecuencia.
• Non aparecen co usuario que os creou e a data de creación. (Esta opción pódese cambiar editando o tipo de contido e en Axustes da visualización activar Display author and date information (Amosar a información do autor e da data)).
• Levan obrigatoriamente unha imaxe.
• Os artigos promocionados á páxina principal son as Novas que se amosan na páxina de inicio da web.
• Vense ao final as taxonomías nas que está publicado.
• Vese a continuación un exemplo nas versións recortada e completa.
  

  • Versión recortada (páxina da taxonomía).

Páxina básica

• Utilizarase para contidos de caracter máis estático e que son vixentes durante un periodo longo de tempo. Por exemplo: Historia do centro, Datos de contacto, Composición dos órganos de goberno, Horarios, Documentación, etc.
• Non lles aparece nin o usuario nin a data de creación.
• Aparecen as "migas de pan" (ruta ata o contido).
• Na versión completa, vense ao final as taxonomías nas que está publicado.
• Vese a continuación un exemplo nas versións recortada e completa.

  • Versión recortada (páxina da taxonomía).

• Por defecto xa van creadas algunhas páxinas básicas con enlaces de menú: 

Estas páxinas só hai que editalas e personalizar o texto para cada centro.

Evento

O contido de tipo evento é moi similar ao visto para os contidos de tipo páxina, coa particularidade de que o evento xerado reflectirase automaticamente no calendario. Para crear un contido tipo Evento ver esta documentación.

Destaque

• Pódese configurar o tempo e tipo de transicións entre imaxes.
• No centro de cada imaxe, incorpórase un texto (Título do contido) sobre un fondo semitransparente.
• Nos extremos esquerdo e dereito do carrusel existen unhas frechas que permiten moverse de xeito manual a través das distintas imaxes do carrusel
• Ademais, na parte inferior do carrusel atópanse uns cursores identificativos relativos á imaxe actual en relación co número total de imaxes que conforman o carrusel.

Un destaque é un tipo de contido configurado inicialmente para que apareza só na páxina de inicio do sitio.

• Recomendable para a páxina de benvida do centro e para noticias moi relevantes, pola súa gran visibilidade.
• Non se recomenda ter un gran número de destaques activos, xa que poderían pasar desapercibidos para o usuario polo tempo de espera entre as imaxes do carrusel.
• Premendo sobre a imaxe do carrusel ou o título accédese ao contido completo.