Creación de bloques con imaxes nas zonas de logos

Zonas de logos

1. Zona de logos internos: permite incorporar bloques con imaxes que poden actuar como hipervínculos a direccións URL relativas ao propio centro. Os centros poden personalizar os seus logos, que actuarán como accesos directos visualmente atractivos (Aula virtual, Punto Laranxa...).
2. Zona de logos externos: Situada a continuación da zona de logos internos, o seu funcionamento é idéntico á zona de logos internos, pero inicialmente enfocado a enlaces externos ao propio centro educativo (espazoAbalar, Bibliotecas Escolares de Galicia...)

Creación de bloques con imaxes na zona de logos internos e zona de logos externos

• Os bloques de logos configúranse na ruta: Xestionar > Contido > Bloques. Despregarase a relación de bloques xa creados no sitio web, con posibilidade de edición.
• Para engadir un novo bloque de logos, +Engadir Bloque de contido.

• Descrición do bloque: obrigatorio, aínda que non se visualizará por defecto.
• Interno: Por defecto desactivado, haberá que marcalo para que o bloque coa imaxe engadida sexa visible na zona de logos internos. En caso contrario amosarase na zona de logos externos.
• Sección Paragraph*: Premer en Engadir Paragraph > Imaxe
  • Premer en Engadir media: pódese escoller directamente unha imaxe previamente subida da lista que se amosa ou engadir unha nova imaxe mediante Add file > Seleccionar arquivo. 
    • Opcionalmente pódese engadir un texto alternativo (recomendable por cuestións de accesibilidade), así como un título e unha lenda para a imaxe subida.
  • Unha vez seleccionada a imaxe, premer en Insert selected.

• Image Link (Vínculo da imaxe): especificar a URL á que apuntará o logo, que se abrirá por defecto sempre nunha nova ventá. No caso de non especificar ningunha dirección a imaxe non enlazará con ningún contido.

• Gardar

O bloque de logos engadido xa debería resultar visible na rexión de logos interna ou externa segundo a selección no momento da creación.