As dificultades na descodificación son fáciles de observar en situacións nas que se le en voz alta. Ao escoitar a lectura do alumnado, podemos apreciar a súa calidade xeral, se se cometen erros e con que frecuencia.
Na ESO, a precisión (cometer máis ou menos erros) non se debe desvincular da velocidade lectora.
Os indicadores de dificultades en procesos básicos de lectura son:
- Unha velocidade de lectura excesivamente lenta, aínda que sexa moi precisa.
- Unha cantidade notable de erros ao ler cunha velocidade lenta ou normal.
Se nos atopamos con alumnado que comete excesivos erros ao tentar ler moi rápido, conviría observar o que sucede ao demandarlle unha velocidade de lectura máis pausada.