Audio e Letra

Ven Bailar Carmiña / Maruxiña

Cancioneiro de Bal e Gay

Ven Bailar Carmiña:

Aí che vai meu corazón

Se o queres matar ben podes

Pero como ti vas dentro

Tamén, se ti o matas, morres.

Ven bailar Carmiña,

Carmiña, Carmela,

Con zapato baixo,

e media de seda,

con media de seda

e media calada,

Ven bailar conmigo,

Miña namorada.

Os zapatos piden medias,

As medias piden zapatos,

As raparigas bonitas

Piden rapaciños guapos.

Ven bailar Carmiña,

Carmiña, Carmela,

Con zapato baixo,

e media de seda,

con media de seda

e media calada,

Ven bailar conmigo,

Miña namorada.

Maruxiña:

E pra que non digas que tal e que cal

que foi e non foi, que tal que sei eu,

eu aló non fun, ela aquí non veu,

nin eu llo pedín, nin ela mo deu.

-Maruxiña, dáme un bico

que che hei de dar un pataco,

-Non quero bicos dos homes

que me cheiran a tabaco.

E pra que non digas que tal e que cal

que foi e non foi, que tal que sei eu,

eu aló non fun, ela aquí non veu,

nin eu llo pedín, nin ela mo deu.

Maruxiña do forneiro

se coceras faime un bolo,

se mo fas, faimo de millo,

que eu de trigo non cho como.

E pra que non digas que tal e que cal

que foi e non foi, que tal que sei eu,

eu aló non fun, ela aquí non veu,

nin eu llo pedín, nin ela mo deu.