Plan Proxecta+

Na escola de Xanza, as aves convertéronse nas grandes protagonistas dun proceso de aprendizaxe cheo de curiosidade, observación, investigación e creatividade. Este traballo desenvolveuse dentro do Proxecto Terra e permitiu ao alumnado achegarse ao fascinante mundo das aves desde unha perspectiva vivencial, manipulativa e conectada coa exploración da contorna.

🌿✨ Os días 1 e 2 de xuño tivemos o pracer de compartir no CRA de Valga unhas xornadas moi especiais da man de Cristina de Experencia Wellness.

Xa temos un novo programa de Radio Pepa! As nenas da escola de Chenlo levaron a cabo unha investigación sobre as abellas durante semanas coa axuda da profe Laura, alumna de prácticas. A través de distintas propostas, as cativas descubriron aspectos relevantes sobre estes pequenos animais que son fundamentais para a nosa vida. Foi unha actividade moi enriquecedora e agardamos que disfrutedes deste episodio tanto coma nós. 

A nosa biblioteca recibiu a visita da contacontos Raquel Queizás, quen nos agasallou cunha sesión chea de música e tradición arredor das romarías galegas.

No marco do Proxecto Terra, na bilioteca tivemos a oportunidade de participar nun interesante obradoiro da man da arquitecta Mar Penelas, de Tres Ecosistemas, quen nos convidou a observar a natureza .

Dentro das actividades vinculadas ao noso proxecto Feira en Feira e ao programa de Igualdade, o alumnado participou nun interesante taller de olaría que nos permitiu achegarnos a un dos oficios tradicionais máis representativos da nosa cultura e, ao mesmo tempo, poñer en valor o papel das mulleres que contribuíron á súa conservación ao longo do tempo.

Dentro das actividades do Plan Proxecta Donas de si, tivemos a sorte de recibir na nosa biblioteca unha actividade moi especial dedicada ás “Cantareiras”, mulleres que desempeñaron un papel fundamental na conservación e transmisión da nosa cultura popular.

A biblioteca do centro volveu abrir as súas portas ás familias para acoller unha nova sesión formativa dentro das ENAPAS, unha iniciativa promovida para favorecer espazos de diálogo e aprendizaxe compartida entre a comunidade educativa.

Nas últimas semanas, dentro do noso PDI De feira en feira, nas distintas escolas do CRA desenvolvemos un fermoso traballo arredor das abellas. A través de propostas, o alumnado foi descubrindo pouco a pouco como viven, como se organizan, cal é o seu papel na polinización e por que é tan importante coidalas e protexelas.

Na Escola de Chenlo vivimos uns días moi especiais arredor do conto A mellor sopa do mundo, unha historia que nos permitiu traballar a cooperación, a amizade e o valor de compartir. Despois de coñecer o conto na aula, as nenas puxéronse mans á obra para elaborar a súa propia sopa, participando na preparación dos ingredientes e descubrindo que, igual que na historia, cando cada persoa aporta algo o resultado pode ser marabilloso.