No marco do Proxecto Terra, na bilioteca tivemos a oportunidade de participar nun interesante obradoiro da man da arquitecta Mar Penelas, de Tres Ecosistemas, quen nos convidou a observar a natureza .
Ao longo da actividade, o alumnado descubriu como moitos animais son auténticos expertos na construción, capaces de crear niños, tobos, colmeas, presas ou refuxios adaptados ás súas necesidades e ao medio no que viven. Esta proposta permitiunos reflexionar sobre a relación entre arquitectura e natureza, comprendendo como a observación do mundo natural pode inspirar solucións sostibles, respectuosas coa contorna e adaptadas ás características de cada lugar.
Foi unha experiencia moi enriquecedora que nos axudou a mirar a natureza con novos ollos e a seguir aprendendo sobre a importancia de convivir e respectar o medio que nos rodea.
