A nosa biblioteca transformouse nun espazo renovado e cheo de vida grazas ao Plan de Mellora de Bibliotecas Escolares (PLAMBE). Coa súa axuda, conseguimos crear un lugar acolledor, inspirador e adaptado, onde o alumnado pode descubrir, investigar e gozar da lectura.
Este curso queremos dar máis vida á nosa BiblioCRA, converténdoa nun punto de encontro para toda a comunidade educativa. Organizaremos actividades de animación á lectura, obradoiros creativos, investigacións e moitas outras propostas para que a biblioteca sexa un espazo participativo.
A BiblioCRA é moito máis ca un lugar onde coller libros: é un espazo para aprender, compartir e soñar xuntos.
Abrimos todas as familias os martes de 17:00 a 18:00.
Temos o pracer de comunicar que o noso centro foi seleccionado para participar no programa Lectura e Familias da Consellería de Cultura, Educación, Formación Profesional e Universidades para o curso 2025/2026.
© Xunta de Galicia. Información mantida e publicada na Internet polo centro educativo
Mapa do sitio - Contacto co centro - Accesibilidade - Aviso Legal