Plan Proxecta+

Durante o mes de decembro, a nosa biblioteca encheuse de ilusión, aprendizaxe e maxia coas actividades de Nadal preparadas para o alumnado.

Comezamos cun momento moi especial: a lectura do conto Diferentes diferencias, compartida por unha das nosas familias colaboradoras. Foi unha actividade moi emotiva na que reflexionamos sobre o valor da diversidade, o respecto e a importancia de aceptar e celebrar aquilo que nos fai únicos. Agradecemos a participación da familia de María.

Dentro das actividades do Proxecto Terra, o alumnado realizou unha visita ao MARCO (Museo de Arte Contemporánea de Vigo) para coñecer a exposición Argalla, unha proposta que nos convidou a mirar a arte desde a experimentación, o xogo e a creatividade.

Na BiblioteCRA vivimos unha xornada moi especial na que se mesturaron a lectura, a reflexión e a solidariedade.

Con motivo do 25 de novembro, día internacional para a eliminación da violencia contra as mulleres, no noso centro realizamos diferentes actividades de sensibilización en colaboración co Equipo de Convivencia, co obxectivo de fomentar entre o alumnado valores de respecto e igualdade.

Durante o outono, a Escola de Ferreirós mergullouse nun proxecto de investigación arredor dos cogumelos da nosa contorna. Durante varias semanas, os nenos e nenas exploraron o bosque acompañados por familias expertas, descubriron e identificaron diferentes especies e aprenderon sobre os fungos.