Durante o outono, a Escola de Ferreirós mergullouse nun proxecto de investigación arredor dos cogumelos da nosa contorna. Durante varias semanas, os nenos e nenas exploraron o bosque acompañados por familias expertas, descubriron e identificaron diferentes especies e aprenderon sobre os fungos.
A través da observación e da experimentación, achegáronse aos cogumelos empregando todos os sentidos: descubriron as súas cores, formas, cheiros e texturas. E, como parte deste traballo, tamén experimentaron na cociña preparando uns cogumelos riquísimos que compartiron entre risas e charlas.
Un proxecto nacido da curiosidade e da contorna que permitiu aprender investigando, compartindo experiencias e valorando a riqueza natural que nos rodea. 🍄🌿
Slide 1 of 9
