Na Escola de Chenlo vivimos uns días moi especiais arredor do conto A mellor sopa do mundo, unha historia que nos permitiu traballar a cooperación, a amizade e o valor de compartir. Despois de coñecer o conto na aula, as nenas puxéronse mans á obra para elaborar a súa propia sopa, participando na preparación dos ingredientes e descubrindo que, igual que na historia, cando cada persoa aporta algo o resultado pode ser marabilloso.
Ademais, esa mesma semana, no noso xa habitual Martes de conto, volvemos gozar desta fermosa historia nunha lectura compartida na biblioteca, acompañada tamén da canción do conto, que o alumnado e as familias cantaron con moito entusiasmo.
Slide 1 of 4
