🌿✨ Os días 1 e 2 de xuño tivemos o pracer de compartir no CRA de Valga unhas xornadas moi especiais da man de Cristina de Experencia Wellness.
Ao longo destes talleres, o alumnado puido achegarse a diferentes ferramentas para o seu benestar emocional e persoal a través da sonoterapia, o mindfulness, o ioga e a xestión emocional. Unha experiencia enriquecedora na que aprenderon a escoitar o seu corpo, identificar emocións, mellorar a concentración e descubrir técnicas de relaxación para o seu día a día.
💚 Foron dúas xornadas cheas de aprendizaxe, calma e conexión, nas que o benestar se converteu nunha ferramenta máis para o desenvolvemento integral do alumnado.
Grazas a Cristina por acompañarnos nesta experiencia tan inspiradora e ao alumnado pola súa participación e entusiasmo.
