Contámoste como é o funcionamento da nosa Biblioteca.
A nosa é unha biblioteca “aberta”, sen portas nin impedimentos para o acceso aos libros. Utiliza o programa de xestión informática Meiga e o sistema de organización de fondos é o do CDU. Ten cabida para 56 persoas sentadas. Conta cuns 140 metros cadrados e está aberta durante corenta e un períodos lectivos.
FONDOS:
AUDIOVISUAIS / INFORMÁTICA:
Oito computadores en liña (seis deles para o alumnado). Un ordenador en mesa de audiovisuais. Dous ordenadores portátiles. Videocámara. Xadrez electrónico. Lapis de memoria.
OUTRAS CARACTERÍSTICAS:
REALÍZANSE ACTIVIDADES DE:
Despois de dous anos, a inicios do mes de xuño rematouse coa intervención artística da biblioteca. Dende o curso pasado a alumna do bacharelato de Artes, Acracia García Martínez e o alumno Iván Abad Acuña, iniciaron o proxecto de intervir artisticamente a biblioteca. Ao alumnado se lles brindou a oportunidade de enfrontarse a un novo soporte, a porta de acceso á biblioteca e as vigas desta, para amosar a súa creatividade artística.
O tempo libre é o mellor período para gozar da lectura. Por iso, o equipo da biblioteca recoméndavos unha variada selección de lecturas para estas vacacións.
Esta é outra das actividades que propuxo o equipo da biblioteca no mes do libro. Esta actividade realizouse durante o venres 10 e 17 de abril na biblioteca do Sarmiento unha actividade para o alumnado de 2º de bacharelato Artes Plásticas dirixida pola ilustradora e libreira Alba Blanco.
O mércores pasado dedicamos o noso café coloquio a novela "Morgana en Esmelle" da recentemente homenaxeada nas Letras galegas Begoña Caamaño. Foi unha tarde moi especial porque contamos con Antón Blanco, compañeiro e poeta, que veu como convidado a comentar a obra contextualizándoa dentro da importancia que a materia de Bretaña ten no marco da literatura galega. Pondal, Cabanillas, Risco, Cunqueiro, Xohán Cabana foron algunhas das puntadas literarias que deu Antón para rematar coa lembranza dos versos de Xohana Torres: "Existe a maxia e pode ser de todos /a que tanto novelo e tanta historia?/ EU TAMÉN NAVEGAR." Así que, para continuar a tecer os fíos de Begoña, decidimos que a próxima lectura do club sexa "Punto de araña" de Nerea Pallares.
Clic na imaxe para acceder ao álbum
Este luns o Club de Lectura de FP converteuse novamente nun espazo de conversa, reflexión e tamén de moitas risas e opinións compartidas.
Este luns no Club de Lectura de FP comentamos a novela gráfica Solanin, de Inio Asano.
Esta aclamada obra manga relata a historia dun grupo de mozos que buscan o seu lugar no mundo nese momento de tránsito entre a xuventude e a vida adulta. Un relato honesto e cheo de preguntas sobre o amor, a amizade e o sentido da propia existencia. Madurez ou creatividade? Xuventude ou tolemia? Perseguir os soños ou adaptarse ao que a sociedade espera de nós?
Iniciamos o mes de marzo xuntándonos arredor da obra "Os reis da casa”, de Delphine De Vigan, unha novela que nos deixou coa cabeza a mil. Redes sociais, infancia exposta, cámaras acesas 24/7… e esa pregunta incómoda que ficou flotando na sala: todo o que se pode gravar… débese gravar?
Falamos de límites, da presión das redes sociais, de autoestima, de likes que pesan máis do que parecen e de ata onde chega o “é só contido”. Houbo debate intenso, momentos de “ufff… isto dá que pensar” e, como sempre, un chisquiño de terapia colectiva.
O pasado 26 de xaneiro xuntámonos para comentar as lecturas do amigo invisible.
Celebramos (por segunda vez!) o cumpre de Anxo no club —isto xa é tradición oficial — e demostramos que non hai mellor maneira de festexar que entre libros e boa conversa.
Ademais, tomamos decisión importante: en marzo incorporamos o manga como proposta lectora Abrimos horizontes e ampliamos miradas.
© Xunta de Galicia. Información mantida e publicada na Internet polo centro educativo
Mapa do sitio - Contacto co centro - Accesibilidade - Aviso Legal
