Artes Plásticas

O xoves 11 de xuño tivo lugar no noso centro a "I Gala dos Premios Garavata", na que foron proxectadas as películas do alumnado da materia Cultura Audiovisual (1º de Bacharelato de Artes, Humanidades e Ciencias) baixo o selo da nosa produtora "Garavata Films".

Foron tres horas do mellor cine, acompañado de sensacionais actuacións musicais en directo, seguidas da entrega dos Premios ás diferentes categorías e ao esforzo realizado durante o curso escolar.

A gala foi divertida e emotiva, presentada por Beatriz García e Adriana Romano, estando Pablo Vidal e Óscar Pereira aos mandos técnicos.

Houbo unha grande implicación do alumnado e profesorado no desenvolvemento desta Gala e dos seus preparativos, aos que queremos manifestar o noso recoñecemento.

Tamén queremos agradecer as fantásticas fotos de Diego Fragoso.

Agardamos que esta sexa a primeira de moitas galas nas que poidamos amosar o talento do noso estudantado, que é inmenso.

Clic na imaxe para acceder ao álbum

Dous grupos de 1° e 2° de bacharelato de Artes plásticas participaron unha vez máis na Olimpiada de Creatividade "Campus Crea". Alí amosaron o seu inxenio e capacidades comunicativas creando un novo obxecto a partires dun paraugas e un martelo. Houbo unha dura competencia e estamos moi orgullosos/as  da ideas e intervencións do noso alumnado conseguindo a cuarta posición.

Clic na imaxe para acceder ao álbum

O alumnado de Artes de 1° de Bacharelato participou no deseño e decoración do Orbil (mascota do Salón do libro de Pontevedra) baixo a dirección da profesora Andrea, na materia de "Proxectos Artísticos". A temática representada este ano é a música e na súa decoración faise tamén referencia a Palestina, país convidado. Todos os que queirades visitalo podedes atopalo na rúa Eduardo Pondal.

O alumnado de 1º de Bacharelato de Artes e o de Expresión Artística de 4º ESO acudiu a cidade de A Coruña a realizar dúas actividades, na Filmoteca de Galicia e na Fundación MOP.

A primeira, consistiu nun visionamento da película “Pierrot o tolo”, do cineasta Jean-Luc Godard. A segunda, a visita á exposición fotográfica de Annie Leibovitz titulada “Wonderland”.

Nas dúas actividades, foron moi ben guiados polo persoal da Filmoteca e da Fundación MOP, aos que estamos moi agradecidos.

Que ben sentan estas xornadas culturais!

Clic na imaxe para acceder ao álbum de fotografías

O alumnado da materia Debuxo Artístico I acudiu á Fundación Manuel Moldes a visitar a exposición Bicos de cine.

Alí puideron gozar da visita guiada polo seu comisario, o historiador e crítico Ramón Rozas, que axudou a entender e desfrutar moito máis a fondo a interesantísima obra deste artista tan vencellado á cidade de Pontevedra.

Queremos agradecer a May Díaz, Manuel Moldes e a Ramón Rozas a súa xenerosidade acompañándonos na visita.

Clic na imaxe para acceder ao álbum

Os estudantes de 1º de Bacharelato de Artes Plásticas achegáronse a visitar a Facultade de Belas Artes e a Facultade de Deseño de Pontevedra.

Queremos agradecer a Xosé Manuel Buxán, Araceli Liste e Marcos Dopico as súas xenerosas explicacións que, de seguro, resultaron moi inspiradoras para o noso alumnado.

#bacharelatoartes

Clic na imaxe para acceder ao álbum

O alumnado da materia Debuxo Artístico I acudiu ao Museo de Pontevedra para localizar obras artísticas realizadas con diferentes técnicas. Que mellor maneira de recoñecer os diferentes procedementos artísticos que analizar de preto as obras que forman parte do noso patrimonio e valorar as calidades expresivas de cada un dos creadores e creadoras.

#bacharelatoartes

Clic na imaxe para acceder ao álbum

O pasado xoves 12 de febreiro o alumnado de 1 de bacharelato de Arte e o de expresión artística de 4 de Eso xunto coas profesoras do Departamento asistiron, en Santiago, a feira de ensinanzas artísticas “Innovart”. Alí participaron en diferentes obradoiros e tamén visitaron as exposicións de “Francisco Asorey, unha recuperación necesaria” e “Mundo Expandido. De lo físico a lo virtual"

Preme na imaxe para ver o álbum