Estamos moi contentos de poder presentar un proxecto que nos ilusiona moito.
Trátase da produtora Garavata Films, do alumnado de 1º de Bacharelato da materia Cultura Audiovisual do IES Frei Martín Sarmiento de Pontevedra.
Os compañeiros de 2º de Bacharelato de Artes da materia de Deseño, xunto coa súa profesora Tatiana, estiveron traballando no logotipo da mesma, así como no dos Premios Garavata, a gala asociada á produtora na que se proxectarán os traballos do alumnado e na que recibirán os premios de final de curso.
Nestas fotos amosamos as fantásticas propostas e, entre elas, os logos gañadores de Xiana da Silva Álvarez e Alba Otero Ures.
Parabéns ás dúas e grazas a todos e todas polo voso esforzo e creatividade!
