Welcome!
Benvidos á páxina do Departamento de Inglés do IES Frei Martín Sarmiento. Dende o noso equipo traballamos cada día para que o alumnado se achegue á lingua inglesa dunha forma práctica, comunicativa e motivadora. Sabemos que aprender un idioma é abrir unha xanela ao mundo, e por iso apostamos por un ensino dinámico, integrador e adaptado ás necesidades de cada etapa educativa.
Let’s enjoy learning together!
#SarmientoInEnglish
QUÉ FACEMOS?
Coordinamos unha sección bilingüe no 1º curso do Ciclo Superior de Estética Integral e Benestar, no módulo de Cosmética Aplicada a Estética e Benestar.
Organizamos intercambios escolares e viaxes culturais. Participamos en actividades complementarias en inglés e celebracións relacionadas co mundo anglosaxón, como Halloween, Thanksgiving, Christmas ou Saint Patrick’s Day.
Ademais, animamos ao noso alumnado a participar en programas europeos como e-twinning e Erasmus, fomentando a autonomía lingüística e a competencia plurilingüe.
Tamén ofertamos o CUALE para preparar as certificacións oficiais de inglés e animamos ao alumnado a presentarse ás probas da Escola Oficial de Idiomas e aos exames de Cambridge. Estes últimos teñen lugar no mes de xuño en convocatoria aberta no noso centro.
ORGANIGRAMA E HORAS DE ATENCIÓN
Xefatura:
Mª Teresa Amoedo Giménez - Martes 10:10-11:00
Profesorado:
María Castellano Barreiro - Xoves 11:25-12:15
Ángela Ferrería Viéitez - Mércores 9:20-10:10
Yolanda Garrido Aguete - Mércores 10:10-11:00
Noemí Ignacio Costa - Xoves 11:25-13:05
Francisco Ramón Otero Garrido - Xoves 19:30-20:20
Se queres coñecer máis sobre as nosas actividades ou contactar connosco, podes facelo escribindo ao correo da xefa de departamento tereamoedo@edu.xunta.gal. Estaremos encantados de acompañarte nesta aventura de aprender inglés.
BANCO DE RECURSOS
As part of our eTwinning project Bridges Beyond Borders, our students participated in international videocalls with their European partners using Google Meet.
Through real conversations in English, students shared information about their schools, hobbies, daily routines, traditions, and cultures while developing speaking confidence and intercultural understanding. 🗣️🤝
O IES Frei Martín Sarmiento continúa a abrir as súas portas ao mundo.
Entre o 12 e o 25 de abril tivemos o pracer de recibir no noso centro ao alumnado do Berkshire Waldorf High School (Stockbridge, Massachusetts, EEUU), dentro do programa de intercambio escolar. Os estudantes foron acollidos por familias de 3º e 4º da ESO, compartindo con elas unha experiencia única de convivencia e aprendizaxe.
Durante a súa estancia, participaron na vida académica asistindo ás clases cos seus correspondentes, descubriron a vila de Pontevedra e visitaron diferentes lugares da contorna. Ademais, mergulláronse na nosa cultura a través dun obradoiro de cociña galega, no que aprenderon a preparar pratos tradicionais como a empanada, a tortilla, as filloas e a tarta de Santiago.
Houbo tamén tempo para a convivencia e o lecer, con dous días inesquecibles na residencia de tempo libre da Xunta en Panxón, así como para gozar dun espectáculo de música e baile tradicional galego.
Sen dúbida, unha experiencia enriquecedora que deixa pegada tanto no noso alumnado como no grupo estadounidense.
Agora comeza a conta atrás: dentro dun ano será a nosa quenda de viaxar a Massachusetts para completar este intercambio!
Clic na imaxe para acceder ao álbum
Programa Edu-Exchanges de intercambio con Suecia
Na semana do 19 ao 24 de marzo, o alumnado de 4ESO e 1BACH puido desfrutar dunha semana de intercambio lingüístico e cultural con alumnado do Vimmerby Gymnasium (Vimmerby, Suecia).
📚🫎🧊Entre outras moitas cousas, nesa semana puidemos desfrutar da cidade de Estocolmo, un safari de alces, unha xornada na pista de hockey ou unha cea típica cociñada polo alumnado sueco e galego, ademais da vida diaria en Vimmerby e no Vimmerby Gymnasium. Todo isto mentres o alumnado se empapaba da lingua inglesa para poder comunicarse. 🫂
As lágrimas no día da despedida indican que o listón está moi alto, que foi unha experiencia única e que estamos desexando recibir ao alumnado sueco en xuño. Tack por esta experiencia ao noso alumnado, que se comportou marabillosamente en todo momento, e tack ás familias e profesorado sueco pola acollida. Que ganas de recibilos! 👏
Clic na imaxe para acceder ao álbum de fotografías
We’re halfway through our Bridges Beyond Borders eTwinning project, and we couldn’t be happier with the progress so far!
O pasado 17 de marzo celebramos o Saint Patrick’s Day no IES Frei Martín Sarmiento!
O alumnado de ESO e Bacharelato participou nunha divertida quest na que puxeron a proba os seus coñecementos sobre esta festividade tan especial, así como sobre datos importantes da cultura irlandesa.
Unha xornada diferente, chea de aprendizaxe, curiosidades e moito espírito verde!
#SaintPatricksDay #IESFreiMartinSarmiento #CulturaIrlandesa #AprenderXogando #Galicia
O vindeiro 17 de marzo celebraremos no centro o Saint Patrick’s Day. O Departamento de Inglés organizará diferentes actividades para achegar ao alumnado a cultura e as tradicións de Irlanda.
Estamos emocionados de anunciar que o noso proxecto eTwinning Bridges Beyond Borders;xa ten logotipo e póster oficiais.
Os alumnos elaboraron as súas propostas usando Canva, demostrando moita creatividade e compromiso co proxecto.
© Xunta de Galicia. Información mantida e publicada na Internet polo centro educativo
Mapa do sitio - Contacto co centro - Accesibilidade - Aviso Legal
