Filosofía

O pasado 27 de febreiro, o alumnado de 2º de Bacharelato asistiu á Charla Temática "O tratamento dos síntomas da contemporaneidade segundo a psicanálise de orientación lacaniana" organizada polo Departamento de Filosofía e impartida polo profesor Francisco Conde Soto, da Universidade de Santiago de Compostela.

Ao longo da sesión, o relator achegou unha visión clara e práctica sobre o tema, combinando explicacións accesibles con exemplos que espertaron o interese do público.

O día 5 de febreiro, cinco estudantes do instituto (Ágatha, Analía, Anxo, Fátima e Lía) participaron na Olimpíada Filosófica de Galicia, na modalidade de disertación, que se celebrou na Facultade de Filosofía da USC. Sendo fieis á temática da Olimpíada, a Tolemia, tamén eles, como Don Quixote fronte aos xigantes, tiveron que enfrontarse a unha pequena dose de loucura para poder chegar. Superados os atrancos, a experiencia resultou moi enriquecedora.

O alumnado de 1º de bacharelato tivo a oportunidade de asistir a diferentes xuizos do penal dentro do programa Educar en Xustiza. Agradecer ao maxistrado Miguel Aramburu García-Pintos a súa cercarnía e explicación de todas as dúbidas sobre o procedemento xudicial e a interpretación de cada un dos xuizos aos que asistimos.