Formación e Orientación Laboral

A semana pasada recibimos, dentro do marco das Xornadas de Educación Cívico-Tributaria, a visita de Rebeca Calviño, da Delegación da AEAT de Pontevedra.

Foi unha formación moi interesante e enriquecedora para o alumnado dos ciclos de FP, através da cal puideron coñecer mellor a importancia dos impostos, o seu papel no funcionamento da sociedade e o valor da responsabilidade cidadá.

O pasado 14 de abril, o alumnado de primeiro curso de ciclos de FP e 4º da ESO asistiu á charla “Prepárate para o salto” organizada polo departamento de FOL dentro do programa EduEmprende.

Dentro do programa #InnovaTechFP, o equipo finalista do noso centro visitou en Ourense a Residencia Santa Cruz da Fundación San Rosendo, un centro de atención a persoas con discapacidade severa e parálise cerebral. Durante a visita tivemos a oportunidade de coñecer as instalacións do centro, o seu  funcionamento, así como conversar coas persoas usuarias e co equipo profesional. Moitísimas grazas á directora e a todo o equipo pola acollida. Levamos moita información e motivación para seguir avanzando no desenvolvemento do noso reto!

Parabéns ao noso alumnado de FP Estela, Andrea, Pablo e Iago, que veñen de resultar equipo finalista do RETO 6 plantexado pola Fundación SanRosendo nesta 3ª edición do programa InnovaTech FP.

Tamén queremos felicitar e agradecer a todos os equipos do noso centro que participaron nesta edición. Porque detrás de cada proposta hai esforzo, aprendizaxe e moito crecemento.

Moita sorte equipo no paso á fase final. Disfrutade moito !!!