Reclamacións cualificacións | IES Frei Martín Sarmiento

O procedemento para a reclamación das cualificacións da ESO e o Bacharelato ven regulado pola Orde de 26 de maio de 2023 e pola Instrución 2/2025 da Dirección Xeral de Ordenación e Innovación Educativa. As cualificacións obxecto de revisión segundo o procedemento establecido, serán as finais obtidas nunha área, materia ou ámbito; tamén pode reclamarse a decisión de promoción ou titulación. O procedemento de revisión iníciase no centro, onde se resolve en primeira instancia; no suposto de desacordo con esta decisión, pódese reclamar en segunda instancia ante a Dirección Territorial de Pontevedra.

O procedemento para a reclamación das cualificacións dos ciclos formativos ven regulada polo artigo 45 da Orde de 12 de xullo de 2011 no que respecta ao alumnado de formación profesional inicial e polo artigo 24 da Orde de 13 de xullo de 2015 respecto ao alumnado de formación profesional básica. En ambos casos pode formularse reclamación contra o resultado dos procesos das avaliacións finais ou no caso de ciclos formativos de 2.000h de duración, o dereito de reclamación será extensivo a aquelas avaliacións parciais en que se propoña o acceso á realización do módulo de FCT en período ordinario, logo de finalizada a docencia dos módulos de formación no centro educativo.

Normativa reclamación cualficacións ESO e Bacharelato.
1. Orde de 26 de maio de 2023
2. Instrución 2/2025 – Corrección de erros
Normativa reclamación cualificacións ciclos formativos.
1. Orden de 12 de xullo de 2011 pola que se regula o desenvolvemento, a avaliación e a acreditación do alumnado das ensinanzas de formación profesional.
2. Orden de 13 de xullo de 2015 pola que se regulan as ensinanzas de formación profesional básica na Comunidade Autónoma de Galicia, así como o acceso e a admisión nestas ensinanzas.
Procedemento de reclamación en 2º de bacharelato.
1. Procedemento de revisión
Modelos de reclamación.

Subscribirse a Reclamacións cualificacións

Mapa do sitio - Contacto co centro - Accesibilidade - Aviso Legal

IES Frei Martín Sarmiento