Permite exportar o proxecto como un sitio web listo para ser aloxado nun servidor da internet. Ademais das páxinas desenvolvidas, crearase un menú de navegación lateral que reproduce a árbore de contidos do obxecto.
HTML é a linguaxe co que se escriben as páxinas web e é o formato de exportación máis sinxelo que se pode realizar con eXe. As páxinas HTML xeradas pódense subir a sitios web (a un servidor), gravalas nunha memoria USB, envialas por correo... Todo coa tranquilidade de que os nosos alumnos poderán ver o recurso, pois todos os computadores persoais dispoñen de navegador web para abrir as páxinas xeradas.
Ao exportar como Sitio web, eXeLearning crea un cartafol onde lle indiquemos, e dentro dese cartafol, coloca todos os arquivos (imaxes, textos, etc.) que utilizásemos no noso proxecto. Para reproducilo, basta con abrir o arquivo index.html que eXeLearning crearía no seu interior. Mostrarase unha páxina web cunha táboa de contidos navegable á esquerda, e se pulsamos sobre unha ligazón desa táboa mostrarase en pantalla dita sección. Podemos gravar o contido do cartafol onde desexemos (memoria USB), subilo a unha páxina web, etc. E así poder entregar os apuntamentos aos alumnos.
Se activamos o Modo Avanzado, comprobamos que se nos ofrecen 2 opcións máis de exportación como sitio web:
Cartafol auto-contida: É a opción xa comentada que aparece por defecto no Usuario básico. Crea un cartafol onde lle indiquemos, e dentro dese cartafol, coloca todos os arquivos (imaxes, animacións, etc.) que utilizásemos no noso proxecto. Para reproducilo, basta con abrir o arquivo index.html que eXeLearning crearía no seu interior. Mostrarase unha páxina web cunha táboa de contidos navegable á esquerda, e se pulsamos sobre unha ligazón desa táboa mostrarase en pantalla dita sección. Podemos gravar o contido do cartafol onde desexemos (memoria USB), subilo a unha páxina web, etc. E así poder entregar os apuntamentos aos alumnos.
Arquivo comprimido ZIP: Xera unha estrutura igual á do punto anterior, pero comprimindo nun único arquivo ZIP todos os ficheiros que estarían nunha cartafol auto-contida como a anterior. Tan só debemos indicar o nome do ficheiro e automaticamente asignaralle a extensión . zip. É ideal para enviar por correo electrónico ou enviar/subir a/por Internet, almacenar, etc.
Páxina HTML única: Crea tamén un cartafol con todos os recursos necesarios, pero en lugar de xerar varias páxinas web e unha táboa ou índice de contidos, crea unha única páxina web moi longa, onde todos os contidos vanse mostrando uns detrás doutros. É útil para imprimir o contido.
No seguinte vídeotutorial pódense observar os pasos para exportar a Sitio web; centrarémonos especialmente neste tipo de exportación porque nos permite subir o arquivo a sitios, como un servidor propio, para facer o noso material público. Os pasos para seguir serían:
- Abrir o arquivo . elp que se desexa exportar
- Facemos clic sobre o botón Arquivo/Exportar/Sitio web/Cartafol auto-contida
- Situámonos no roteiro onde queremos gardar o cartafol, e creámola
- Seleccionámola no panel da esquerda
- Facemos clic sobre o botón seleccionar
- Xa a temos creada no cartafol que seleccionaramos
- Imos a ela para comprobar que a exportación foi correcta; para visualizar a vista previa do noso traballo buscamos o arquivo index dentro do cartafol xerado e executámolo
No seguinte vídeo móstrase a execución dos pasos descritos: