Inserir texto
1.Abre Notebook, tés na pantalla unha nova actividade que de momento non ten nome e que contén unha nova páxina en branco.
2.Imos empezar creando a páxina que fará de portada da nosa actividade e que conterá un título. Crea unha páxina nova indo ao menú Inserir>Páxina nova.
Escolle a ferramenta texto na barra de botóns e elixe a tipoloxía que nun principio vas empregar. Esto poderás modificalo en calquera momento.
Agora o punteiro colleu a forma dun cursor, se colocas en calquera parte da zona de traballo e premes o botón esquerdo do rato, aparecerache un campo de texto resaltado cun pequeno editor na súa parte superior e co cursor parpadeando. É o momento de teclear o título: INSTRUMENTOS MUSICAIS
Unha vez escrito o texto podemos modificarlle o aspecto co editor que temos na parte superior. A mecánica vai ser a mesma que en calquera procesador de textos: primeiro seleccionamos e logo dámoslle o formato que queremos.
Neste caso escolleremos un tipo de letra Arial, un tamaño de 36, unha cor negra. Logo centraremos ese texto.
Podemos modificar a disposición dese texto cambiando o tamaño do cadro, para eso colocaremos o cursor sobre un dos
dous pequenos círculos que se atopan nos laterais do cadro e arrastraremos ata acadar a forma que nos queremos.
Cando rematemos premeremos co botón esquerdo en calquera parte en branco da zona de traballo para validar o que vimos de facer.
Se tés que corrixir ou cambiar algo no texto, debes facer dobre clic sobre el e voltarás ao cadro anterior.
Se prememos unha vez sobre el aparécenos os botóns de edición de obxecto.
Colocando o punteiro sobre o círculo verde podemos xirar o texto.
Colocando sobre o círculo branco poderemos aumentar ou diminuír o seu tamaño.
Premendo sobre a frecha despregarásenos un menú no que imos poder introducir distintos elementos.
Estas tres posbiilidades que nos ofrece o texto unha vez validado, vánnolas ofrecer todos os obxectos que arrastremos á páxina e o seu comportamento vai ser moi similar.
Cando remates de darlle forma ao texto vai ao menú arquivo/gardar como e garda o ficheiro co nome intrumentos_musicais.