A comprensión lectora pode ser avaliada a través de diferentes tipos de preguntas e actividades:

• respostas de desenvolvemento;
• respostas breves;
• preguntas de elección múltiple (incluíndo verdadeiro ou falso);
• actividades de completar información (cloze);
• tarefas de relacionar información;
• actividades de ordenación de información;
• actividades de execución que requiren facer algo a partir da información do texto (construír, debuxar, escribir unha continuación...).

A estratexia de relacións pregunta - resposta clasifica as preguntas sobre os textos en catro tipos:

• Buscar unha información concreta nun texto.
• Buscar e relacionar informacións no texto.
• Relacionar a información que aparece no texto cos coñecementos propios.
• Indicar o que opinamos ou sabemos. 

Podemos atopar moita máis variedade e riqueza dos posibles de contidos das preguntas: 

• a estrutura e o xénero do texto,
• aspectos lingüísticos e gramaticais,
• vocabulario,
• inferencias causais e elaborativas,
• predicións,
• intención comunicativa,
• aplicación da información,
• valoración crítica do contido e da forma,
• relación cos elementos gráficos,
• comparación entre textos e
• análise da fiabilidade das fontes.

Esta diversidade contribúe a unha avaliación máis rica e profunda da comprensión lectora.

A presentación do texto e das actividades pode variar segundo se permita ou non consultar o texto durante a resposta e segundo o momento no que se formulen as preguntas. Aínda que é habitual situar as preguntas ao final do texto, tamén poden intercalarse ao longo da lectura, o que pode favorecer unha maior afondamento na comprensión. Recoméndase empregar probas variadas, combinando diferentes formas, contidos e modos de presentación.