No curso 1 deste itinerario presentabamos tres grupos de preditores da competencia lectora:
- o desenvolvemento da linguaxe oral (vocabulario e habilidades gramaticais);
- as habilidades fonolóxicas (conciencia fonolóxica e velocidade de denominación);
- os coñecementos sobre a linguaxe escrita (coñecementos sobre o texto impreso e sobre as letras).
O nivel acadado polo alumnado nestes ámbitos antes da aprendizaxe formal da lectoescritura está directamente relacionado coa descodificación, a fluidez e a comprensión lectora, polo que estes preditores permiten detectar de maneira temperá posibles dificultades lectoras.