2º Bacharelato

IES do Castro · Bacharelato

2º Bacharelato LOMLOE

Horario: Luns: 9:00–14:30 h e 16:30–18:10 h  |  Resto dos días: 9:00–14:30 h

Materias comúns a todas as modalidades

Modalidade e materias propias

O alumnado escolle una materia obrigatoria da modalidade (elixir 1) e dúas materias adicionais (elixir 2).

Materias optativas (escolle unha · 4 h)

2ª Lingua Estranxeira II · Métodos Estatísticos e Numéricos · Psicoloxía · Tecnoloxía da Información e da Comunicación II · Xeografía, Historia, Arte e Patrimonio de Galicia · Historia da Música e da Danza · Debuxo Artístico II · Materia da modalidade de 2º curso

▼ Saber máis das optativas

Materias de elección (escolle unha · 1 h)

Ciencias e Tecnoloxía: Obradoiro de Tecnoloxía e Enxeñería II · Obradoiro de Cine · Obradoiro de Física · Obradoiro de Química · Obradoiro de Matemáticas II · Obradoiro de Matemáticas CS II · Obradoiro de Galego

Humanidades e Ciencias Sociais: Obradoiro de Mitoloxía Clásica · Obradoiro de Cine · Obradoiro de Matemáticas CS II · Obradoiro de Galego

Tamén se pode escoller: Relixión (1 h)

Titulación de Bacharelato

Para obter o título de Bacharelato é necesaria a avaliación positiva en todas as materias dos dous cursos. Excepcionalmente, o equipo docente poderá decidir a titulación dun alumno/a que superase todas as materias salvo unha, sempre que se cumpran todas estas condicións:

• O equipo docente considera que alcanzou os obxectivos e competencias do título.
• Non se produciron faltas de asistencia continuadas e non xustificadas na materia suspensa.
• O alumno/a presentouse aos exames, incluídos os da convocatoria extraordinaria.
• A media aritmética de todas as materias da etapa é igual ou superior a 5.

O título expídese con expresión da modalidade cursada e da nota media obtida.

Acceso á universidade — PAU

A Proba de Acceso á Universidade (PAU) é a vía habitual para acceder aos estudos de grao universitario tras o Bacharelato. En Galicia está organizada pola Comisión Interuniversitaria de Galicia (CIUG) e dá acceso ás tres universidades do Sistema Universitario Galego (Universidade de Santiago de Compostela, Universidade da Coruña e Universidade de Vigo).

Estrutura da proba

A PAU consta de dúas fases:

• Fase xeral (obrigatoria): examínase das catro materias comúns de 2º de Bacharelato (Historia de España, Lingua Galega e Literatura II, Lingua Castelá e Literatura II e 1ª Lingua Estranxeira II) máis a materia troncal da modalidade.
• Fase específica (voluntaria): permite mellorar a nota de admisión examinándose de ata tres materias adicionais vinculadas á rama de coñecemento do grao desexado. As materias ponderan segundo as táboas publicadas pola CIUG para cada titulación.

Nota de acceso e nota de admisión

A nota de acceso calcúlase sumando o 60 % da nota media de Bacharelato e o 40 % da cualificación da fase xeral, e debe ser igual ou superior a 5. A nota de admisión pode chegar ata 14 puntos sumando as materias da fase específica ponderadas pola universidade de destino.

Convocatorias

Celébrase unha convocatoria ordinaria en xuño e unha extraordinaria en xullo. É posible repetir a proba en convocatorias sucesivas para mellorar a nota, conservándose sempre a mellor cualificación obtida.

Máis información na web da CIUG →

Ciclos Formativos de Grao Superior

Accédese aos Ciclos Formativos de Grao Superior (CFGS) despois da obtención do título de Bacharelato ou mediante a superación dunha proba específica de acceso.

Coa superación do CFGS obtense o título de Técnico/a Superior, que permite:

• Incorporarse ao mundo laboral.
• Acceder a estudos de grao universitario sen realizar a PAU, sempre que a nota do ciclo sexa superior á nota de admisión.
• Realizar a parte voluntaria-específica da PAU para mellorar a nota de acceso á universidade.

Máis información na web de FP →