2º ESO

IES do Castro · ESO

2º ESO LOMLOE

Horario: Luns: 9:00–14:30 h e 16:30–18:10 h  |  Resto dos días: 9:00–14:30 h

Materias e horas semanais

Medidas de atención á diversidade

Agrupamentos flexibles

En Lingua Galega e Literatura e en Xeografía e Historia pódense constituír agrupamentos flexibles como medida de apoio ao alumnado que o precise. A decisión correspóndelle á dirección do centro, oído o equipo docente e as nais, pais e/ou titores/as legais do alumnado afectado.

Exención da 2ª lingua estranxeira (Francés)

Todo o alumnado cursará a segunda lingua estranxeira. En 1º e 2º de ESO, soamente poderán quedar exentos aqueles alumnos/as con dificultades continuadas no proceso de aprendizaxe, en particular nas materias lingüísticas. A decisión correspóndelle á dirección do centro, oídas as nais, pais e/ou titores/as legais do alumnado afectado.

Sección bilingüe

O IES do Castro participa no Programa de Seccións Bilingües da Consellería de Educación (Orde do 12 de maio de 2011). Neste curso, as materias impartidas en réxime de sección bilingüe en inglés son 1ª Lingua Estranxeira e Música: polo menos o 50 % do horario lectivo de cada unha destas materias impártese en inglés. O alumnado que supere a materia recibirá unha credencial oficial do centro acreditativa da súa participación na sección bilingüe.

Promoción de curso

Promoverá o alumnado que supere todas as materias ou que teña avaliación negativa en 1 ou 2 materias.

O equipo docente tamén poderá decidir a promoción se se cumpren todas estas condicións:

• Media aritmética de todas as materias igual ou superior a 5.
• O equipo docente considera que pode seguir con éxito o curso seguinte.
• Existen expectativas favorables de recuperación.
• A promoción beneficia a súa evolución académica.

O alumnado que promocione con materias sen superar deberá seguir un Plan de Reforzo.