Maio e xuño foron os meses do peche de curso, tamén na horta. Chegou por fin o momento de plantar as tomateiras que viñamos coidando dende o semilleiro de abril, vivimos algún revés inesperado e despedímonos da tempada cunha pequena sorpresa entre as cucurbitáceas e moita ilusión polo que está por vir no verán.
Coa primavera xa instalada, abril foi un mes de medras visibles e dunha actividade moi especial: o semilleiro de tomates, que esta vez quixemos compartir tamén coas familias. Ademais, seguimos vendo evolucionar os cultivos que sementamos en meses anteriores, deixamos a horta lista para a próxima gran plantación e demos os primeiros pasos nun pequeno proxecto paralelo: un viveiro de árbores autóctonas no patio.
Despois do duro inverno e do relabrado de febreiro, marzo foi o mes de seguir avanzando: continuamos co compost, vimos os primeiros sinais de vida dos allos e sementamos cenorias novas. Pero tamén tivemos un contratempo que nos ten en vilo: a nosa berza colleu unha praga e, polo momento, non sabemos como evolucionará.
Despois dun decembro e un xaneiro practicamente perdidos pola choiva, febreiro foi o mes de volver poñer as mans na terra. Coa horta moi danada polo temporal, non quedaba outra que arrincar de cero na maior parte dos espazos de cultivo.
Decembro e xaneiro foron, sobre todo, dous meses de resistencia. O inverno chegou cunha sucesión de borrascas moito máis intensa do habitual, e a nosa horta, por moito coidado que lle puxemos, non puido escapar das súas consecuencias.
O mes de setembro trouxo consigo o peche dunha etapa no noso horto escolar… pero tamén algunhas sorpresas moi especiais.
🍅
Innovación, ciencia e sostibilidade
O Innova-Lab é un programa educativo da Xunta de Galicia no que participa o IES do Castro. Combina investigación científica, pensamento crítico e compromiso ambiental a través de dous proxectos complementarios.
© Xunta de Galicia. Información mantida e publicada na Internet polo centro educativo
Mapa do sitio - Contacto co centro - Accesibilidade - Aviso Legal