Novembro 2025 🥾
Novembro foi un mes de man de obra: menos sementeiras novas e máis traballo de preparación e mantemento, para deixar a horta en boas condicións de cara ao inverno. Despois das sementeiras de outubro, tocaba coidar o que xa estaba medrando e abrir camiño a algún cultivo novo.
🥾
O horto 2, listo tras sachar e aboar
Dedicamos boa parte do mes a preparar o horto 2: sachamos a terra para airearla e eliminar herbas adventicias, e despois aboámola co compost propio. Con esta base preparada, animámonos a probar un cultivo novo: as xudías. É a primeira vez que as sementamos na nosa horta.
🥬
Berzas e cenourias nos bancais
Aproveitamos os dous bancais aos que en outubro lles engadiramos sustrato novo para sementar berzas e cenourias. O sustrato xa está asentado e listo para acoller estas novas plantacións, que se suman ás acelgas e espinacas que tamén quedaran previstas para estes espazos.
♻️
Coidado das composteiras
Limpeza de herbas adventicias nas zonas xa sementadas, desbroce dos bordos coa fouce para evitar que as herbas altas molesten coa chegada das choivas, e coidado das composteiras, alternando capas verdes (ricas en nitróxeno) e capas marróns (ricas en carbono).
Pouco a pouco, todo ese compost irá nutrindo de forma natural os cultivos que virán despois.
Para pensar
• Por que cres que escollemos sachar e aboar o horto 2 antes de sementar as xudías por primeira vez?
• Que función cumpren as capas verdes e marróns dentro dunha composteira, e por que é importante alternalas?
