4º ESO

Materias de opción

Dixitalización

Axuda a comprender como usar os dispositivos dixitais, crear contidos e navegar por Internet con seguridade, ética e responsabilidade. Útil para o día a día e para o futuro académico e laboral.

Música

Coñecementos básicos de linguaxe e práctica musical, evolución da música desde a Idade Media ata os xéneros actuais e a súa relación cos medios audiovisuais.

Expresión Artística

Extensión da materia de Educación Plástica, Visual e Audiovisual. Desenvolve a capacidade expresiva e a creatividade mediante a experimentación con diferentes técnicas artísticas. Carácter eminentemente práctico.

Tecnoloxía

Comprensión de como funcionan as solucións técnicas que melloran a vida das persoas, e como se poden deseñar, construír e aplicar de forma sostible, ética e inclusiva.

Formación e Orientación Persoal e Profesional

Traballa o coñecemento propio, o proceso de aprendizaxe e o contorno sociocultural. Desenvolve habilidades de emprendemento, toma de decisións e participación activa en grupos.

2ª Lingua estranxeira (Francés)

Valorar situacións cotiás, describir persoas e obxectos, tratar temas de medio ambiente e negociar, entre outros contidos comunicativos de nivel intermedio.

Física e Química / Bioloxía e Xeoloxía

Para o alumnado do itinerario de Humanidades que queira ampliar a súa formación científica con materias non incluídas no seu itinerario.

Latín / Economía e Emprendemento

Para o alumnado do itinerario de Ciencias que queira ampliar a súa formación humanística ou económica con materias do itinerario de Humanidades.

Materias optativas

Cultura Clásica (só se non se cursou en 3º)

Descobre como vivían, pensaban e creaban os antigos gregos e romanos, e por que os seus mitos e valores seguen presentes na nosa lingua, leis, arte e forma de organizar a sociedade.

Filosofía

Estuda o significado e orixe da filosofía no mundo occidental a través de catro bloques: o ser humano, a teoría do coñecemento, a ética e a metafísica. Metodoloxía dinámica e participativa.

Oratoria (só se non se cursou en 3º)

A arte da comunicación clara e obxectiva co público, combinando linguaxe verbal e corporal. Desenvolve a expresión oral, a argumentación e a confianza para falar en público.

Intelixencia Artificial para a Sociedade

Axuda a entender que é a intelixencia artificial, como funciona, que vantaxes e perigos presenta e como afecta á sociedade: desde as recomendacións nas redes e os asistentes virtuais ata os coches autónomos ou a creación de imaxes e textos.