O prazo de matrícula nos nosos cursos adoita abrir no mes de xuño. O alumnado novo deberá realizar a preinscrición para formalizar a súa incorporación.
Para aquelas persoas que desexen ingresar nun nivel superior a A1, existe a posibilidade de realizar unha proba de nivel, que normalmente se leva a cabo tamén no mes de xuño. Ademais, tamén poden acceder a niveis superiores aquelas persoas que conten con outras titulacións acreditadas.
Para os cursos de español, a matrícula está aberta durante todo o ano.
Ademais, ofrecemos a opción de presentarse a exames libres, que adoitan celebrarse no mes de xuño. A matrícula para estes cursos específicos de exames libres realízase normalmente no mes de abril.
Matrícula no curso 2025-26
🆕 Alumnado novo acceso:
- Preinscrición: 16 de xuño a 7 de xullo → Preinscrición en liña
- Formalización matrícula (praza obtida no sorteo do 9 de xullo): 10 ao 21 de xullo a través da mesma ligazón.
🔄 Alumnado oficial do curso 2024/25:
- Reserva de praza e matrícula en CentrosNet.
- Matrícula ordinaria: 9 ao 23 de xuño, para continuar no mesmo idioma e escola, tras superar todas as actividades de lingua na convocatoria ordinaria.
- Matrícula extraordinaria: 27 de xuño a 7 de xullo, para alumnado con cualificación de apta/o, non apta/o ou non presentada/o na convocatoria extraordinaria.
📚 Cursos monográficos sen exame (PUB):
- Matrícula aberta desde o 9 de xuño ata esgotar prazas → Matrícula cursos monográficos
📄 Toda a información oficial na RESOLUCIÓN do 27 de maio de 2025 (Publicación no DOG).