De acordo co establecido na resolución de matrícula, o alumnado con discapacidade recoñecida oficialmente pode solicitar adaptación das probas cubrindo esta solicitude e presentándoa na plataforma de matrícula xunto coa documentación acreditativa da discapacidade, e o resto da documentación de matrícula.
No caso de que non se achegue a solicitude e a documentación no momento da matrícula, poderase entregar na Administración do centro, sempre antes do 30 de outubro.
Unha vez se presenta esta documentación un ano, non é necesario volver presentala nos cursos seguintes.