Que é a matrícula oficial?
A matrícula oficial permite cursar estudos regulados nos niveis A1, A2, B1, B2, C1 e C2, segundo o Marco Común Europeo de Referencia para as Linguas (MCERL). Estes cursos teñen avaliación oficial e conducen á obtención dun certificado se se superan as probas finais de cada nivel.
Quen pode matricularse?
• Persoas de 16 anos ou máis (cumpridos no ano natural en que se inicien os estudos).
• Persoas de 14 anos ou máis, se o idioma elixido non é o cursado como primeira lingua estranxeira na ESO.
• É necesario ter DNI, NIE ou pasaporte (no caso do pasaporte, hai que facer os trámites presencialmente).
• Para acceder a un curso que non sexa o primeiro (A1 ou A2, dependendo do idioma), é necesario contar cun acceso directo por ter outra titulación, ou acceder por proba de clasificación.
Tipos de matrícula oficial
1. Novo alumnado
Se é a túa primeira vez nunha EOI ou non cursaches estudos no ano inmediatamente anterior:
• Debes facer unha preinscrición en liña no prazo correspondente en https://www.eoidigital.com/preinsxunta/alumnos/index.php
• Se hai máis solicitudes ca prazas, farase un sorteo público.
• As persoas admitidas deberán reservar praza, pagar as taxas e formalizar a matrícula no prazo establecido, seguindo as instrucións que se indican máis abaixo.
2. Alumnado que continúa estudos
Se xa estás matriculado/a na EOI e queres continuar no seguinte curso:
• Terás preferencia para conservar a túa praza.
• Debes realizar a reserva de praza e matrícula a través da aplicación en liña.
• A matrícula só será válida unha vez pagadas as taxas e entregada a documentación.
• Haberá dous prazos de matrícula para o alumnado que continúa estudos: un para quen aprobou na convocatoria ordinaria, e outro para quen aprobou na convocatoria extraordinaria ou repite.
Como se fai a matrícula?
A matrícula faise en liña, e cómpre pagar as taxas e presentar a documentación requirida (DNI, certificados, etc.).
Hai que seguir os seguintes pasos:
• Entrar na plataforma de matrícula (CentrosNet) dentro do prazo correspondente e reservar praza. Se non se fai en prazo hai que esperar ata que saian as vacantes que quedaron sen cubrir durante os períodos de matrícula.
• Pagar as taxas, seguindo estas instrucións.
• Volver entrar en CentrosNet e subir o xustificante de pago.
• No caso de fraccionar o pago da matrícula: subir a CentrosNet o certificado da conta bancaria, onde conste o IBAN e o titular da conta. No caso de que o alumno/a non sexa o titular da conta indicada, hai que achegar unha autorización de domiciliación asinada polo/a titular da conta.
• No caso de alumnado con diversidade funcional e que precise condicións especiais, deberase achegar a documentación acreditativa á plataforma CentrosNet. Hai que cubrir esta solicitude e achegala xunto cun xustificante médico que acredite a condición, e co resto da documentación de matrícula. Unha vez se presenta esta documentación un ano, non é necesario volver presentala nos cursos seguintes.
• No caso de alumnado menor de idade, o seu pai/nai/titor legal debe cubrir este documento e subilo a CentrosNet.
• Marcar como lido o documento con información importante.
Cando se abran os prazos de matrícula, informarase nas novas desta web.