De acordo coa Instrución 1/2026 da Dirección Xeral de Formación Profesional, pola que se regulan as probas de certificación das ensinanzas de idiomas de réxime especial polo réxime oficial e libre para o curso 2025/26, o prazo de matrícula libre rematou o 6 de marzo.

O alumnado libre de B2 e C1 de galego e inglés fixo unha preinscrición entre o 23 de febreiro e o 6 de marzo, na que escolleu tres centros por orde de preferencia. O 11 de marzo farase un sorteo para asignar as prazas, cuxo resultado poderá consultarse o 12 de marzo na mesma plataforma de preinscrición (para o que terá que empregarse o mesmo contrasinal que se creou no momento da preinscrición). Para poder presentarse as probas, deberá formalizarse a matrícula entre o 12 e o 20 de marzo.

• Ligazón de matrícula: https://www.eoidigital.com/eoixuntalibre/alumnos/index.php

• Instrucións para o pago das taxas 

• Documentación que hai que achegar na propia plataforma de matrícula: 

  • Resgardo de pago

  • DNI ou NIE

  • No caso de menores de 16 anos, certificado de 1ª lingua cursada na ESO (Anexo II)

  • De ser o caso, solicitude de adaptación (Anexo III) e certificado de discapacidade

  • No caso de dereito a exención de pago, documentación acreditativa