Horario de atención
| Desde o 1 de setembro haberá atención presencial con cita previa. Xoves día 3 o horario de atención será de 09:30 a 13:00 Luns día 7, martes día 8 e xoves dia 9 o horario de atención será de 09:30 a 13:00.
O horario variará segundo o día e á organización de reunións de inicio do curso. Aconsellamos enviar un correo electrónico para solicitala. |
COMEZO DAS CLASES Cursos oficiais: a partir do 14 de setembro, o primeiro día que o grupo teña clase. NON haberá presentación xeral para o alumnado de novo ingreso na sección. O alumnado NON debe comprar o libro de texto ata que llo indique o profesorado. |
No mes de agosto a sección de Cee permanecerá pechada. Para consultas debe dirixirse á secretaría da EOI da Coruña:
Tfno. 981185858
Enderezo electrónico: eoi.corunha.secretaria@edu.xunta.gal
Matrícula prazas vacantes
Do 3 de agosto ao 18 de setembro a matrícula está aberta sen necesidade de preinscrición, ata completar prazas.
Persoas que queiran matricularse nun curso oficial e non fixeron a preinscrición ou non se matricularon en prazo:
Poden formalizar a súa matrícula nesta ligazón. Debe achegarse a documentación que se indica aquí.
Proba de clasificación en setembro
No mes de setembro celebraranse probas de clasificación de todos os idiomas e seccións, co fin de que as persoas que posúen coñecementos dun idioma pero non un certificado que o acredite poidan matricularse nun curso superior ao primeiro nas vacantes que quedan en setembro.
Hai que ter en conta que:
Se xa te matriculaches para o curso 2026-27, non podes presentarte á proba de clasificación de setembro.
Presentarse ás probas de clasificación non garante que haxa praza vacante no nivel asignado.
O alumnado interesado en presentarse a ditas probas deberá formalizar a súa matrícula nelas entre o 27 de agosto e o 2 de setembro ás 14:00, seguindo o procedemento que atopará aquí.
Poden consultarse as datas nas que se celebrarán as probas de cada idioma e sección no seguinte documento.
Resolución de matrícula para o curso 2026/27
Publicouse a Resolución do 21 de maio de 2026, da Dirección Xeral de Formación Profesional, pola que se ditan instrucións para a preinscrición, admisión, matrícula e organización académica nas escolas oficiais de idiomas de Galicia no curso 2026/27, na que se establecen as seguintes datas de matrícula:
O alumnado oficial matriculado no curso 2025/26 realizará a reserva de praza e a matrícula na ligazón https://www.informaticacentros.com/xunta, seguindo as instrucións que se atopan aquí, nos seguintes prazos:
Período de matrícula ordinaria: do 8 ao 19 de xuño, para o alumnado oficial do curso 2025/26 que desexe continuar os estudos no mesmo idioma e escola no curso 2026/27 e supere todas as actividades de lingua na convocatoria ordinaria.
Período de matrícula extraordinaria: do 26 de xuño ao 6 de xullo para o alumnado oficial coa cualificación de apta/o, non apta/o ou non presentada/o na convocatoria extraordinaria.
Cursos de destrezas sen exame: matrícula directa do 8 de xuño ata esgotar prazas, seguindo as instrucións que se atopan aquí. Non ofertados na sección de Cee.
O alumnado oficial de novo acceso deberá realizar a preinscrición entre o 15 de xuño e o 6 de xullo na seguinte ligazón: https://www.eoidigital.com/preinsxunta. As persoas que obteñan praza no sorteo de adxudicación terán que formalizar a matrícula do 9 ao 20 de xullo.
Podes consultar a nosa Oferta horaria do curso 2026/27
Probas de clasificación de xuño de 2026
No mes de xuño celebraranse probas de clasificación de todos os idiomas e seccións, co fin de que as persoas que posúen coñecementos dun idioma pero non un certificado que o acredite poidan preinscribirse nun curso superior ao primeiro.
O alumnado interesado en presentarse a ditas probas deberá formalizar a súa matrícula nelas entre o 25 e o 29 de maio ás 14:00, seguindo o procedemento que atopará aquí.
Poden consultarse as datas nas que se celebrarán as probas de cada idioma e sección no seguinte documento.
PERÍODO DE EXAMES
A partir do día 11 de maio, desenvólvense as diferentes probas de promoción e certificación, polo que os horarios de Xefatura de estudos veranse afectados. Se desexa contactarnos, deixe a súa mensaxe por teléfono ou correo electrónico e responderemos en canto sexa posible.
A información sobre as probas atópase na lapela EXAMES.
Os prazos para a matrícula do próximo curso aínda non foron publicados.
CONVOCATORIA DE BOLSAS DE ESTUDOS
Do 7 de abril ao 18 de maio pódense solicitar as bolsas de estudos do Ministerio de Educación. Toda a información, aquí.
RENUNCIA Á MATRÍCULA
Para renunciar á matrícula, tes que enviar antes do 15 de abril o seguinte impreso de renuncia cuberto e asinado a eoi.corunha.secretaria@edu.xunta.gal
Impreso en PDF | Impreso en formato editable
A renuncia á matrícula non implica a devolución de taxas. Unha vez presentada a renuncia, xa non existe o dereito a asistir a clase. Podes renunciar cantas veces como queiras e, se o fas, ese curso non se che computa a efectos de permanencia no nivel.
O alumnado que renuncie á matrícula e desexe, en cursos posteriores, continuar cos seus estudos nas EOI, deberá someterse de novo ao proceso de admisión, solicitando a preinscrición no prazo establecido.
DÍAS NON LECTIVOS NA SEMANA SANTA
DÍAS NON LECTIVOS NO ENTROIDO
Publicouse a Instrución 1/2026 da Dirección Xeral de Formación Profesional, pola que se regulan as probas de certificación das ensinanzas de idiomas de réxime especial polo réxime oficial e libre para o curso 2025/26, na que se establecen as datas das probas de certificación dos niveis B2, C1 e C2, así como as datas e procedemento para a matrícula libre: do 23 de febreiro ao 6 de marzo.
As datas das partes orais das probas, así como as dos demais niveis, serán publicadas máis adiante.
- Titoriais para acceder a centros.net e aula virtual
Información académica de interese.
- Prema no ficheiro PDF para acceder á bibliografía do Departamento de Inglés para o curso académico 2025-2026.
É importante ter en conta a seguinte información dependendo da modalidade de estudo:
1. Cursos presenciais: antes de mercar o libro de texto o alumnado deberá consultar ao profesorado do seu grupo.
2. Cursos semipresenciais (SEMI): o profesorado empregará fundamentalmente os materiais do curso deseñado en Moodle para as EEOOII de Galicia.