No mes de xuño celebraranse probas de clasificación de todos os idiomas e seccións, co fin de que as persoas que posúen coñecementos dun idioma pero non un certificado que o acredite poidan preinscribirse nun curso superior ao primeiro.

O alumnado interesado en presentarse a ditas probas deberá formalizar a súa matrícula nelas entre o 25 e o 29 de maio ás 14:00, seguindo o procedemento que atopará aquí.

Poden consultarse as datas nas que se celebrarán as probas de cada idioma e sección no seguinte documento.

Do 7 de abril ao 18 de maio pódense solicitar as bolsas de estudos do Ministerio de Educación. Toda a información, aquí.

Publicouse a Instrución 1/2026 da Dirección Xeral de Formación Profesional, pola que se regulan as probas de certificación das ensinanzas de idiomas de réxime especial polo réxime oficial e libre para o curso 2025/26, na que se establecen as datas das probas de certificación dos niveis B2, C1 e C2.

Todas as probas escritas, de todos os niveis, poden consultarse neste documento. As datas das partes orais das probas serán publicadas máis adiante, e comunicadas polos titores ou nos apartados da web de cada idioma ou sección. 

Podes consultar a oferta horaria e as aulas de todos os idiomas aquí.