Utilizaremos este iDevice para propoñer unha (ou varias) preguntas tipo test ao alumno. Cada unha das preguntas só poderá ter unha resposta correcta. Permítenos introducir varios tipos de retroalimentaciones que serán visualizadas polo alumno unha vez completada as actividades ou como pistas para realizalas. Este tipo de actividades facilitará que o alumno poida comprobar en por si a asimilación dos contidos traballados. 

Ao seleccionar o iDevice "Pregunta de elección múltiple" da listaxe de iDevices mostrarásenos o seguinte no noso eXeLearning:

Na parte superior, teremos a posibilidade de modificar o título do iDevice.

No campo "Pregunta" escribiremos o texto da pregunta. O enunciado deberá ser claro. Evitaremos premisas negativas xa que tenden a ser ambiguas.

No campo "Suxerencia" poderemos proporcionar algunha pista que axude ao estudante para contestar correctamente a pregunta. Poderemos deixar o campo en branco.

No campo "Opción" escribiremos o texto coas opcións de resposta dispoñibles. Marcaremos no botón que se atopa á dereita do campo a opción que sexa correcta. Poderemos engadir opcións pulsando o botón "Engadir outra opción". Sempre será recomendable ofrecer un rango de entre 3 e 4 opcións de resposta.

No campo "Retroalimentación" escribiremos a retroalimentación que queremos que vexan os lectores despois de realizar a actividade. Se deixamos o campo baleiro ofrecerase a retroalimentación por defecto.

Poderemos engadir novas preguntas no iDevice pulsando o botón "Engadir outra pregunta"