Datos vs Información
A "Informática" é a técnica da transmisión da información. Cómpre distinguir información de datos:
- Datos: representación simbólica (numérica, verbal, gráfica) que recolle feitos empíricos
- Información: conxunto organizado de datos procesados
Para ter datos, cómpre un sistema que os represente, un conxunto finito de regras e símbolos que nos permitan representar de forma verbal e escrita todos os números naturais. Ós símbolos utilizados chámaselles cifras ou guarismos.
Ó longo da historia, a humanidade pasou de sistemas sen valor posicional (romanos, exipcios) a sistemas posicionais con base decimal (india, árabe) e finalmente ó binario e derivados, fundamentais para a era dixital.
Liña do tempo dos sistemas numéricos
Do mundo antigo á era dixital: base do sistema e un guarismo ou símbolo característico.
Mesopotamia (babilonios)
Sistema posicional con notación en cuñas. Herdamos del os 60 minutos/hora e os 360° do círculo.
Exipto
Xeróglifos diferentes para 1, 10, 100, 1000… Sistema aditivo con repetición de símbolos.
Roma
Números romanos (I,V,X,L,C,D,M). Úsanse hoxe en datas, capítulos, relóxios…
India
Introduce o 0 como guarismo e o valor posicional das cifras. Base do sistema moderno.
Mundo árabe → Europa
Difusión en Europa dos algarismos e do 0. Simplifica cálculo e contabilidade.
Maias
Puntos (1), barras (5) e cuncha para 0. Sistema posicional en niveis verticais.
Binario (Leibniz)
Só dous guarismos. É a base da informática: estados apagado/acendido.
Octal e Hexadecimal
Atallos compactos do binario en informática, útiles para enderezos e cores (hex).
Para pensar: Que vantaxes ten un sistema posicional fronte a un aditivo? En que situacións modernas seguimos usando a base 60?