Como xa sabemos para poder identificarnos, temos que dispoñer dun nome de usuario e un contrasinal que haberá que escribir nunha zona da nosa web. Pódense ver dous exemplos de acceso:

O primeiro sería mediante un bloque onde xa se nos pide directamente o Nome de usuario e Contrasinal. Este bloque aparece se temos activado "Inicio de sesión" na sección dos bloques.

Acceso: iniciar sesión

O bloque anterior non o temos por defecto activado na instalación de Webs Dinámicas. En su lugar ven activado o bloque "Inicio de sesión 2" que é o que recomendamos e xa coñecedes.

Iniciar sesión: Acceso

Cando se pulsa neste enlace aparece no centro da pantalla un formulario cos mesmos dous campos que tiñamos no primeiro exemplo, é dicir, Nome de usuario e Contrasinal.

Conta de usuario

Importante: pode ser que por algún motivo (por exemplo por cambiar a plantilla/tema antes de configurar os seus bloques e activar Inicio de sesión 2) voluntaria ou involuntariamente, non atopemos o sistema de acceso por ningún lado. Neste caso sempre podemos acceder ao formulario visto no exemplo 2 anterior escribindo a continuación da URL do noso centro o texto ?q=user como se pode ver na imaxe que aparece baixo este parágrafo. No caso de querer emendar esta situación e poñer visible o bloque de acceso para os usuarios (Inicio de sesión 2), entramos como usuario Administrador para engadir dito bloque.

Configuración do menú de administración

Sendo administradores, un módulo que nos vai a facilitar a vida, é o menú de administración de drupal (admin_menu module) porque teremos todas as opcións de administrador nun menú flotante na parte superior da nosa web.

Debemos habilitalo no módulo Administración (Construcción da páxina -> modulos)

e xestionar os permisos para que o administrador poda acceder ao menú de administración (Mantemento de usuarios -> permisos).

Unha vez activados os dous submódulos, inmediatamente o noso menú de administración ofreceranos a posibilidade de acceder a todas as tarefas de administración sen a necesidade de ter que ir accedendo a distintas páxinas a medida que imos seleccionando opcións. Ademais, esta nova barra é totalmente personalizable.