Na ruta Inicio » Administrar » Construción do sitio » Módulos podemos ver o conxunto de módulos activos na nosa web.
Como se pode ver na seguinte imaxe, o conxunto de módulos activos das SWF Tools na configuración inicial dun novo sitio de Webs Dinámicas está formado por estes módulos:
- SWF Tools: é o nucleo destas ferramentas e imprescindible para empezar a traballar con elas.
- 1 Pixel Out: é un reproductor de ficheiros de audio en formato MP3
- JW Media Player 3: trátase dun reproductor de vídeos en formato flash e audios en formato MP3.
- SWFObject2: Método de integración habilitado por defecto.
Este conxunto de módulos podemos clasificalos en tres grupos, segundo a súa funcionalidade:
- O módulo SWF Tools: é o nucleo destas ferramentas e é preciso que esté activo para poder activar calquera dos outros.
- Módulos de soporte de reproductores. Estes módulos permiten que podamos utilizar distintos reproductores de medios. Son os seguintes: 1 Pixel Out, Flow Player, Flow Palyer 3, JW Image Rotator 3, JW Media Player 3, JW Media Player 4, SimpleViewer.
- Métodos de integración. Estes módulos permítennos utilizar distintos métodos de integración dos contidos multimedia no código das páxinas HTML que se descargan á hora de visitar a web. Son os seguintes módulos: jQuery Flash Plugin, SWFObject, SWFObject2, UFO.