A Biblioteca da EOI de Vigo pon en marcha un concurso de relatos curtísimos para dar renda solta á imaxinación do alumnado.
Pode participar todo o alumnado matriculado no curso 2025/2026 en calquera idioma, sección ou modalidade, desde A2 ata C2, incluídos os cursos Celga.
O reto é crear o mellor relato de ficción no idioma que estudas (ou estudaches) na EOI de Vigo. O texto debe ser orixinal, inédito e ter unha extensión breve: entre 80 e 100 palabras (con límites específicos para chinés e xaponés). Iso si, hai unha condición imprescindible: o relato debe incluír a frase “sinto escorregar a auga…” no idioma elixido.
Xunto co relato, haberá que achegar unha tradución ao galego ou ao español para facilitar o labor do xurado (non necesaria se escribes en galego ou español).
Anímaste a participar? Unhas poucas palabras poden converterse nun gran relato.
