Reclamación de cualificacións

a) Consulta dos resultados

O alumnado poderá consultar os resultados das probas finais de promoción e certificación a través da aplicación CentrosNet.

As instrucións de uso están dispoñibles na páxina web da escola, no menú superior “CentrosNet”.

Recomendación: Accede á aplicación ao longo do curso para comprobar que funciona correctamente.

As cualificacións indicaranse como “apto”, “non apto” ou “non presentado”. Nos cursos de promoción aparecerá entre parénteses a cualificación global obtida.

b) Reclamacións

O alumnado poderá presentar unha reclamación perante a dirección da EOI no prazo de TRES días hábiles, contados a partir do día seguinte á publicación das notas.

A dirección resolverá nos dous días hábiles seguintes, ratificando ou rectificando a cualificación. Para iso solicitará un informe ao departamento e comunicará por escrito a resolución ao alumnado.

O procedemento está regulado polo artigo 17 da Resolución do 27 de maio de 2025.

c) Recurso de alzada

Se persiste o desacordo coa cualificación, o alumnado poderá interpoñer un recurso de alzada perante a Xefatura Territorial no prazo dun mes, contado a partir do día seguinte á recepción da resolución da dirección.