Mención especial merece "Outros contidos" dentro da ampla gama de iDevices que ofrece eXeLearning.
No que segue ímonos centrar en "Descargar ficheiro fonte", "Galería de imaxes" e "Ficheiros adxuntos". Finalmente concluímos cun exemplo do iDevice "Rúbrica", un dos tres iDevices que poden servirnos para avaliar e facer un seguimento do traballo do alumnado.
No Manual eXeLearning, en Outros contidos atopamos a información e titoriais sobre o resto de contidos.
Cando creamos material para a docencia, moitas veces ocorre que queremos achegar documentos e ficheiros.
PASOS:
O "ficheiro fonte" fai referencia ao ficheiro orixinal, que no caso de eXeLearning sempre remata coa extensión .elp. É dicir, o ficheiro fonte dun recurso educativo aberto feito con eXe é o ficheiro orixinal que se pode descargar con este iDevice.
O ficheiro fonte tamén se pode chamar "código fonte".
O "Descargar ficheiro fonte" do iDevice xera unha táboa que compila os datos automaticamente desde a lapela de propiedades.
Un exemplo de creación do arquivo fonte dun .elp sería así:
Accedemos a Propiedades e escollemos a lapela Paquete.
Recoméndase cubrir polo menos o título, o idioma, a descrición (polo menos a descrición xeral), o autor e a licenza. A continuación, na lapela Paquete, prememos en Gardar antes de saír se non queremos perder a información. Para os REA do proxecto cREAgal deberase cubrir, ademais, os campos indicados na Guía técnica e de deseño, no apartado 3.2. Catalogación en eXeLearning.
No caso que nos ocupa, esta sería a vista do iDevice en modo de edición.
Podemos cambiar o título e editar a táboa, incluso substituíla para incluír a información que queiramos. Tamén podemos xogar co texto do botón de descarga, o tamaño da fonte e a cor.
No noso caso só seleccionamos unha cor para o botón de descarga. O resto dos datos recompiláronse automaticamente.
Utilizaremos este iDevice para mostrar un álbum de imaxes, inicialmente en formato miniatura. Facendo clic sobre calquera das imaxes do álbum abriremos unha mostra ampliada, con posibilidade de navegación entre as distintas imaxes da galería. Ao premer sobre unha delas, ampliarase, mostrando o nome da mesma e unhas miniaturas do resto da galería para facilitar así a súa visualización.
Ao seleccionar o iDevice "Galería de imaxes" da listaxe de iDevices mostrarásenos o seguinte no noso eXeLearning:
Engade imaxes desde o botón "Engadir imaxes".
Unha vez engadida a primeira, poderás seguir engadindo, borrando e movendo desde os botóns debaixo de cada unha delas. Lembra escribir un texto descritivo por cada unha.
Pódese crear unha rúbrica ou unha escala desde cero ou importar algunhas das dispoñibles (editables).
| 4 Excelente | 3 Satisfactorio | 2 Mellorable | 1 Insuficiente | |
|---|---|---|---|---|
| Aspectos formais | Preséntase en prazo, cumpre coas indicacións de extensión mínima, portada, índice e estrutura. (4) | Preséntase en prazo, cumpre con case todas as indicacións de extensión mínima, portada, índice e estrutura. (3) | Preséntase en prazo, cumpre con algunhas indicacións de extensión mínima, portada, índice e estrutura. (2) | Non se presenta en prazo ou non se cumpre coas indicacións de extensión mínima, portada, índice e estrutura. (1) |
| Contidos | Están ben organizados todos os contidos e axústanse ao tema establecido. (4) | Están ben organizados case todos os contidos e axústanse ao tema establecido. (3) | Están ben organizados algúns dos contidos e axústanse ao tema establecido. (2) | Non están ben organizados os contidos nin se axustan ao tema establecido. (1) |
| Expresión y ortografía | Está redactado de forma correcta e cumpre coas normas ortográficas e gramaticais. (4) | Está redactado de forma correcta e cumpre con case todas as normas ortográficas e gramaticais. (3) | Non ten unha redacción correcta, pero cumpre con case todas as normas ortográficas e gramaticais. (2) | Non está redactado de forma correcta nin cumpre coas normas ortográficas e gramaticais. (1) |
| Achega persoal | Achéganse conclusións e achegas creativas e orixinais que lle dan un toque persoal ao traballo. (4) | Incorpóranse achegas creativas e orixinais que lle dan un toque persoal ao traballo. (3) | Achéganse conclusións pero non achegas creativas e orixinais que lle dan un toque persoal ao traballo. (2) | Non se achegan conclusións nin achegas creativas e orixinais que lle dan un toque persoal ao traballo. (1) |
Licenciado baixo a Licenza Creative Commons Atribución Compartir igual 4.0
